Alvia

O xuízo polo accidente do tren Alvia ocorrido en Angrois (Santiago de Compostela) en xullo de 2013 (no cal morreron 80 persoas e 145 resultaron feridas) retómase esta terza feira cunha intensa xornada na que declararán cinco testemuñas.

Ramón Iglesias Mazaira abriu esta quinta feira as comparecencias no xuízo do accidente do Alvia en Angrois (Compostela), decorrido en 2013. O xefe de maquinistas reiterou que os responsábeis do Administrador de Infraestruturas Ferroviarias (Adif) sabían do perigo da curva de Angrois antes 
do sinistro. El mesmo achegara con anterioridade un informe que alertaba do risco do trazado.

Comparecen en calidade de testemuñas no xuízo polo accidente do tren Alvia dous veciños de Angrois que socorreron o maquinista, Francisco Garzón, após o accidente.

José Ramón Iglesias Mazaira redactou en 2011 un informe no que xa advertía da falta de sinalización na liña ferroviaria nun treito, o da curva da Grandeira —onde descarrilou o tren—, no que se pasaba "de 300 a 80 quilómetros por hora de forma brusca, sen aviso previo e sen o amparo do ERTMS".

Javier Illanes asegurou con rotundidade que se as autoridades tiveran feito caso ao informe do xefe de maquinistas José Ramón Iglesias Mazaira, o accidente non tería ocorrido.

Antonio Martín Marugán declara esta cuarta feira na quinta xornada do xuízo polo accidente do tren Alvia e defende que, se soubese naquel momento das consecuencias, "non faría esa chamada" ao maquinista nos instantes previos a alcanzar a curva de Angrois.

Na mañá desta terza feira arrincou a cuarta xornada do xuízo polo accidente do tren Alvia cos axentes da Policía Nacional que accederon ao lugar do sinistro como protagonistas.

A súa comparecencia diante da xuíza instrutora da causa polo sinistro do Alvia en 2013 adiouse unha semana após recibir o ex alto cargo de Adif un golpe propinado polo pai dunha vítima mortal do accidente.

O maquinista do tren Alvia accidentado en Angrois (Compostela) o 24 de xullo de 2013 foi o protagonista da sesión desta quinta feira no xuízo do sinistro. Francisco Garzón destacou a ausencia de medidas de seguridade na liña de alta velocidade entre Ourense e Compostela e reiterou as escusas ás vítimas e ás súas familias.

"Quedaron de manifesto as circunstancias de Garzón, que non foi formado, que non circulou nunca pola vía 1 nas condicións do accidente e que tampouco o formaron no tren que ía circular, senón nunha locomotora illada", dixo o avogado do maquinista, Manuel Prieto.

O xuízo polo sinistro do tren Alvia en Angrois (Compostela) en xullo de 2013 arrancou na mañá desta cuarta feira no centro de innovación da Cidade da Cultura da capital da Galiza. O procedemento, cuxo remate está previsto para xullo do vindeiro ano, dedicou a súa primeira sesión a resolver as cuestións previas.

"O relato oficial que sinalaba como único culpábel o maquinista é falso e este documental demóstrao", sosteñen as vítimas nunha petición en 'Change.org' para que TVE o proxecte e que xa recadou máis de 65.000 sinaturas.

Un grupo de vítimas e familiares abordou o ex responsábel de Seguridade de Adif á súa saída da Cidade da Cultura. O pai dunha vítima chegou a golpealo.

O 24 de xullo de 2013, o accidente dun ferrocarril Alvia en Angrois (Compostela) provocou a morte de 80 persoas así como diversas lesións para outras 144. Nove anos e tres meses despois do sinistro, arranca o xuízo por estes feitos, mentres as vítimas se amosan convencidas de que no procedemento “haberá sentenza pero non xustiza”.

O ex responsábel de Seguridade de Adif e o maquinista están acusados de 80 delitos de homicidio por imprudencia grave profesional, 145 de lesións e un de danos.

A plataforma de vítimas do accidente ferroviario do Alvia concentrouse esta segunda feira ás portas do Congreso para exixir a dimisión da vicepresidenta segunda da Cámara Baixa.

As vítimas concentraranse a próxima semana diante do Congreso para exixir a súa dimisión após coñecerse que en 2016 advertiu por carta á Comisión Europea da "gravidade" da publicación dese documento, que cuestionaba a actuación do Goberno de Mariano Raxoi.

O próximo 5 de outubro comeza na Cidade da Cultura o xuízo que sentará no banco o maquinista e o ex xefe de seguridade de Adif.

Nun emotivo encontro promovido pola Asociación Plataforma Vítimas do Alvia, as familias lembraron e honraron a memoria das 80 persoas falecidas naquela traxedia de 2013.

Unha manifestación este domingo en Compostela e varios actos de homenaxe que durarán todo o día lembran a traxedia. Vítimas e familiares cargan contra José Blanco e Ana Pastor, ademais de criticar a Raxoi, Sánchez e Feixoo e nomear a Rueda "persoa non grata". A Asociación Plataforma Vítimas Alvia 04155 está pendentes da realización do xuízo, previsto para este mes de outubro.