Alvia

A Comisión de Investigación de Accidentes Ferroviarios (CIAF) vén de abrir a porta a "algunha actuación ou análise adicional ao informe" relativo ao accidente de Angrois. 

A Audiencia ordenou ao xuíz abrir a causa para indagar sobre a denuncia do borrado de datos por parte de Talgo.

Audiencia Provincial da Coruña decidiu a reapertura da instrución para que o xuíz investigue a denuncia dun ex traballador que asegura que responsábeis de Talgo ordenaron o borrado de datos sobre avarías do tren pasadas escasas horas do sinistro.

A Audiencia Provincial da Coruña recibiu a petición da Plataforma de Vítimas do Alvia de que comparecesen as persoas acusadas de ordenar o borrado de datos do convoi sinistrado, suscrita polo avogado do maquinista imputado. Renfe afirmou "descoñecer" os feitos. O BNG pide chamar a "responsábeis" de Talgo e solicitará que se reactive a comisión de investigación no Congreso.

A portavoz do BNG en Europa defende que é de interese público que se coñezan os informes de seguridade ferroviaria. “Non entendemos que a Defensora do Pobo Europeo recoñeza a magnitude da traxedia e, por outro lado, considere que nesta fase do procedemento o interese público se garante mellor se non se permite o seu acceso”.

A Audiencia Provincial da Coruña recibiu a declaración dun ex traballador de Talgo. Nela explica que examinou o Alvia-01455 os días antes do accidente de Angrois e detectou unhas "avarías" cuxo rexistro sería forzado a borrar. A sala concede tres días ás partes que recorreron o feche da investigación, unha delas a Plataforma de Vítimas, para achegaren nova documentación.

A Plataforma de vítimas do Alvia recibiu unha declaración xurada do ex mecánico que levou a cabo as inspeccións do convoi accidentado. Nela afirma que directivos da empresa ordenaron eliminar o rexistro de avarías do tren media hora despois do siniestro de Angrois. A información chega ás portas da reunión na que a Audiencia Provincial da Coruña ten previsto dirimir os recursos presentados polas partes ao peche da instrución do accidente.

A voceira de Galicia en Común, Yolanda Díaz, trasladou na rolda de consultas ao Xefe do Estado a necesidade de conformar un Goberno de coalición e progreso que evite a repetición electoral.

Os deputados no Congreso, Yolanda Díaz e Antón Gómez-Reino, así como o senador José Manuel Sande, lembran que na pasada lexislatura non se remataron os traballos polo adianto electoral. "Volvemos rexistrar a creación desta comisión para que se conclúa a investigación e se depuren responsabilidades", indicaron.

Jesús Domínguez é o presidente da plataforma de vítimas Alvia 04155, o tren que descarrilou o 24 de xullo de 2013 na Curva da Grandeira, en Angrois (Compostela), provocando a morte de 81 persoas e máis de 140 feridas. El, que daquela tiña 41 anos, ía nun dos vagóns coa súa familia e resultou con importantes feridas nunha perna. Mais considérase dos afortunados porque “grazas a Deus, non perdín ninguén”. Conversamos con el cando se produce o sexto aniversario do fatal sinistro.

O procedemento de infracción aberto pola Comisión Europea contra o Estado español, as causas do accidente o sdistintos aspectos do sinistro atópanse no punto de mira da Valedora Europea do Pobo, Emily O'Reilly. Así o expuxo esta terza feira, 2 de xullo, a eurodeputada do BNG Ana Miranda á saída dunha xuntanza con O'Reilly.

O BNG reivindica a través dun vídeo o traballo realizado pola súa eurodeputada Ana Miranda en favor das vítimas do accidente de Angrois. No audiovisual que circula nas redes sociais a candidata á eurocámara denuncia que o Estado español “tapou” e negouse a investigar.

A Plataforma Vítimas ALVIA 04155 considera que Pastor, presidenta do Congreso e cadro político da máis directa confianza de Mariano Raxoi, é a "persoa que máis ten traballado desde as institucións públicas para tratar de ocultar as verdadeiras causas dunha traxedia que acabou coa vida de 80 persoas e deixou máis de 140 feridos".

No escrito de acusación, a Avogacía do Estado reclamaba catro anos de cadea para o maquinista do tren accidentado en Angrois en 2013. Agora a Adif rectifica o que considera un “erro” e rebaixa a solicitude de pena a unha multa.

Ana Miranda, eurodeputada do BNG, lembra que a Comisión Europea “debe dar resposta” á denuncia contra o Estado español interposta por ela mesma sobre “vulneración da normativa comunitaria de seguridade ferroviaria”. “Agardo que en 2019 haxa avances que supoñan xustiza para as vítimas do accidente de Angrois e consolo para os seus”, engade.
 

Tamén o fará o maquinista, imputado canda un ex alto cargo de Adif.

Unha manifestación con centos de persoas percorreu esta mañá as rúas de Santiago de Compostela. Encabezábana vítimas e familiares de vítimas do accidente ferroviario de Angrois. “É hora de que comece a haber dimisións e cesamentos”, esixiu o portavoz da plataforma, Jesús Domínguez.
 

A plataforma de vítimas do Alvia 04155 organiza diversos actos conmemorativos no quinto aniversario do accidente

Un grupo de vítimas do accidente de Angrois visitan Bruxelas procurando que a UE exerza presión para unha investigación independente

“Se for un verdadeiro demócrata, debería esquecer o Poder Xudicial e impulsar xa unha comisión de investigación onde se depuren as posíbeis responsabilidades políticas”. Con estas palabras veñen de dirixirse ás vítimas do accidente ferroviario de Angrois a Alberto Núñez Feijóo a través dunha carta.