O goberno español estaría a estudar a posibilidade de iniciar a tramitación da contra-reforma do aborto sen solicitar informe ao máximo órgano consultivo do Estado que, no seu momento, avalara a constitucionalidade da actual lei de prazos.
Como saberán as e os lectores do Sermos Galiza, debido á polémica que suscitou, o pasado domingo no Estadio Municipal de Riazor a seguridade privada contratada polo Real Clube Deportivo da Coruña retiraba unha faixa de varios metros que tiña sido pendurada, en reivindicación do Dereito ao Aborto público e gratuíto, pola Plataforma Galega polo Dereito ao Aborto da Coruña.
A Plataforma Galega polo Dereito ao Aborto coordinou unha entrega masiva de peticións para que a institución que preside Julio Fernández emita un informe e que a Xunta ora esixa a retirada do anteproxecto de Gallardón ora presente un recurso de inconstitucionalidade.
A Plataforma en defensa do dereito ao aborto da Coruña colocou unha faixa no estadio de Riazor durante o Dépor-Sporting. A acción rematou coa retirada da faixa por parte do persoal de seguridade do estadio.
Chaman a participar a todas as mulleres presentando un escrito no que instan o Valedor a pedir a retirada dun anteproxecto de lei que, din, "adoece de vicios de inconstitucionalidade" e "vulnera" os Dereitos fundamentais.
O alcalde, Secundino García (BNG), asegura que a pancarta loce de novo "a pesar de quen tenta impoñer ideas do pasado e de quen quere facer calar á sociedade pola forza".
As accións de protesta pola reforma da lei do aborto espállanse polo país. Porén, á par, tamén xorden actividades, palestras e actos que visan fomentar o debate e axitar as conciencias arredor do dereito ao aborto.
A organización frontista despregou unha faixa perante o Pazo do Hórreo para reclamar que a Cámara "se posicione en contra" da reforma da lei do aborto e pide a retirada do anteproxecto de lei.
O goberno español retrasa a tramitación lexislativa da nova lei até xuño para evitar o desgaste de cara ás europeas. Entrementres, unha vintena de militantes do BNG fixeron entrega no Rexistro da Xunta dunha caixa dirixida ao presidente galego coa que denunciaron a agresión que supón para as mulleres a re-penalización do aborto.
Desde a mañá desta sexta feira a Casa Consistorial de Pontevedra loce na súa fachada unha faixa que defende o dereito das mulleres a abortar. O goberno municipal inicia de maneira visíbel a campaña de rexeitamento da Lei de Gallardón.
O Parlamento aprobou a reforma da Lei Veil e suprimiu a condición de "desamparo" para interromper o embarazo. "O aborto é un dereito completo" sinalou a ministra francesa para os Dereitos da Muller, "non unha simple tolerancia con condicións".
O presidente do goberno español asegurouno no Congreso d@s deputad@s en resposta á pregunta formulada pola deputada do BNG, Olaia Fernández Davila. A nacionalista exixiu a retirada do anteproxecto de lei por "involucionista", e "perversa".
Europarlamentares da esquerda e liberais amosaron o seu rexeitamento ao anteproxecto de lei presentado polo executivo español que consideraron contrario aos dereitos humanos. O PPE afirma que a institución comunitaria non ten competencias para se posicionar ao respeito.
Un eventual rexeitamento da Eurocámara poría contra as cordas ao PP no debate sobre o aborto. O anteproxecto de lei de reforma aprobado polo goberno español será debatido no Parlamento europeo esta quinta feira (16 de xaneiro). Boa parte d@s europarlamentares --mesmo liberais-- poderian amosar o seu rexeitamento á nova norma o que suporía un duro golpe para o PP.
A forza política que apoia o goberno impediu que o anteproxecto de reforma da lei do aborto sexa introducido na folla de traballo da Comisión para a igualdade e os dereitos das mulleres. Aliás, os grupos da oposición critican que os acordos adoptados non sexan elevados ao Pleno para o seu posterior debate.
O Instituto Armado denunciou esta segunda feira ao concelleiro do BNG de Cambre, Daniel Carballada, e a responsábel comarcal de Acción Feminista na Coruña, Vitoria Louro, por pintaren murais en rexeitamento da reforma da lei do aborto. As dúas persoas poderían enfrontar un xuízo por faltas após pasaren a disposición xudicial.
Malia a postura da formación conservadora a nível nacional e estatal e malia que non achegaron ningún posicionamento ao debate realizado, os dous edís conservadores presentes no pleno mostraron o apoio ao texto presentado pol@s nacionalistas.
Dende que o goberno anunciou a reforma da lei do aborto, están aparecendo voces que sinalan que a nova normativa nos retrotae á época do franquismo, ou sexa, aos tempos escuros...
As mocidades do PP aproveitan a súa conta do Twitter para sinalar que as declaracións feitas polo seu secretario xeral, o deputado galego Javier Dorado, corresponden "a un afiliado e non á posición de NNGG" e acrecentan que na organización conservadora "defendemos o dereito á vida como fixemos sempre".
O presidente da Xunta de Galiza amosouse favorábel a procurar "maior consenso" na tramitación parlamentar da reforma da lei do aborto da que dixo após o Consello da Xunta, "ben paga a pena mellorala".
