Abanca faise coa filial española do primeiro banco de Portugal, a Caixa Geral. A entidade presidida por Escotet adquire a rede de 110 oficinas desa entidade no Estado por 364 millóns de euros e gaña a súa carteira de clientes de 131.000 persoas.
O Consello de Ministros portugués deu esta quinta feira luz verde á operación, derivada dos compromisos de privatización do executivo luso coa Unión Europea.
Esta operación súmase á realizada por Abanca hai uns meses e mediante a cal adquiriu a rede de Deutsche Bank no Estado e Portugal. Estas dúas compras supoñen un aumento de 20% no volume de negocio, que pasa ser de case 83.000 millóns de euros.