Diante da sentenza que condena a catro independentistas a prisión coñecida a través dos medios de comunicación, Causa Galiza denuncia a “farsa xudicial” á que foron sometidos Eduardo Vigo, María Ossório, Antom Santos e Roberto Rodrigues.
Ao seu ver, a sentenza implica “un ponto de inflexom político e repressivo de primeira ordem, umha vez que o tribunal especial ditamina contra toda evidência que existiria umha “organizaçom terrorista” operativa no nosso país”. Abre, polo tanto “um salto qualitativo na repressom e persecuçom política de militantes e organizaçons e, também, para a eventual aplicaçom da fascista Ley de Partidos na Galiza”.
Solidariedade nacionalista
Por riba das diferencias políticas ou estratéxicas, Causa Galiza chama á solidariedade do nacionalismo galego. “Devemos ser umha só pessoa frente à repressom política e esquivar a estratégia do Estado para criar friçons e divisons no campo soberanista”. Convocan, neste sentido, a “reforçar as iniciativas de contestaçom que se convoquem nos próximos dias e semanas e manter acessa, como um ponto de encontro, a solidariedade contra todo tipo de repressom”.
Obxectivos da sentenza é, segundo Causa Galiza, “impor um clima de medo, desconfianças e rezelos no campo nacionalista para aterrorizar à militáncia independentista e frustrar as expetativas de unidade de açom entre nacionalistas em favor dum Estado próprio e da rutura democrática com o regime pós franquista.”
