nacionalismo

Colonialismo e ultradereita foron algúns os temas debatidos nas palestras do Festigal, evento que cada 24 e 25 de xullo organiza Galiza Nova e a Fundación Galiza Sempre en Compostela con motivo do Día da Patria Galega.

 A Asemblea Nacional-Popular Galega (AN-PG) disolveuse en 1982 para fundar o BNG, articulado sobre as bases ideolóxicas daquela organización. 42 anos máis tarde a vella formación asemblearia retorna ao Día da Patria Galega.

O Pico Sagro, lugar de peregrinaxe do pobo desde tempos inmemoriais, volve acoller a lectura do Alba de Gloria de Castelao —co acto organizado, un ano máis, pola Agrupación Cultural O Galo e a Asociación Cultural Vagalumes— para transformarse en símbolo e compendio dos valores dunha nación fértil en mitos, historia e patrimonio.

O nacionalismo catalán viviu esta sexta feira unha xornada de xúbilo como resultado do retorno ao país de cinco militantes exiliados en Suíza. A súa volta prodúcese nun momento convulso en Catalunya, derivado do proceso de investidura do próximo presidente catalán e da negativa da maior parte dos xuíces a aplicar a Lei de amnistía ás persoas condenadas en relación co Procés. 67% do total dos amnistiados desde a aprobación da norma son policías.

O XVI congreso da Unión do Povo Galego (UPG) decorrido este domingo en Compostela reelixiu Néstor Rego como secretario xeral. Rego explica a 'Nós Diario' as principais conclusións do proceso congresual así como as liñas de actuación inmediatas do partido nun momento chave para o nacionalismo.

Compostela acolleu os debates do XVI congreso da Unión do Povo Galego que, baixo o lema '60 anos de loita pola soberanía da Galiza e o socialismo', reelixiu Néstor Rego como secretario xeral deste partido integrado no BNG.

O Edificio Fontán da Cidade da Cultura en Compostela acolle este domingo 7 de xullo o XVI congreso da Unión do Povo Galego (UPG), baixo o lema '60 anos de loita pola soberanía da Galiza e o socialismo'. 

O falecemento de Xusto Beramendi, na madrugada desta cuarta feira, provocou un fondo pesar en todo o país, con reaccións e mensaxes de pésame inmediatas de practicamente todas as institucións académicas e culturais. Beramendi foi autor de estudos cruciais para o estudo da Galiza contemporánea, ademais dun incansábel activista cultural que participou na fundación e consolidación de numerosas entidades culturais, especialmente do Museo do Pobo Galego.

O Edificio Fontán da Cidade da Cultura en Compostela acollerá o domingo 7 de xullo o XVI congreso da Unión do Povo Galego (UPG), baixo o lema '60 anos de loita pola soberanía da Galiza e o socialismo'. Precisamente o partido celebra o seu 60 aniversario.