A plataforma SOS Sanidade Pública vén de convocar até 25 actos espallados por todos o país en defensa da Atención Primaria así como "todo o sistema sanitario público galego, ameazado polas políticas de recortes e demantelamento da Xunta da Galiza a Consellaría de Sanidade", segundo informou a plataforma.
"A poboación sofre importantes trabas e limitacións para acceder e ser atendida nos Centros de Saúde e Servizos de Pediatría de Atención Primaria", engaden desde a plataforma.
Para alén diso, desde SOS Sanidade Pública, alegan que a poboación debe "soportar listas de espera de días ou semanas e consultas masificadas; o fechamento de Puntos de Atencion Continuada (PAC) e centros de saúde rurais; a perda da promoción, prevención, promoción, rehabilitación e atención ás enfermidades crónicas e o abandono da participación comunitaria".
Por iso SOS Sanidade Pública convoca á cidadanía a que demostre o seu rexeitamento ao desmantelamento do Sistema Sanitario Público e pide o seu apoio masivo á Iniciativa Lexislativa Popular (ILP) na cal propón que o Parlamento da Galiza debata e aprobe unha serie de medidas necesarias para pór en valor a nosa Atención Primaria.
A plataforma lembra que “só a mobilización social, en alianza co persoal da sanidade pública, pode frear o deterioro da Atención Primaria”.
As mobilzacións
As 25 mobilizacións convocadas pola plataforma nas vilas e cidades galegas son as seguintes:
- A Coruña: 20 horas no Obelisco
- Ferrol: 19 horas diante Ambulatorio Fontenla Maristani
- A Mariña: 12 horas Centro Saúde de Burela
- Vigo: 19 horas fronte ao Marco, Rua do Príncipe
- Pontevedra: 19 horas, cruce Benito Corbal con Sagasta
- Santiago de Compostela: Praza Roxa as 20 horas
- Grove: 8 horas a 10 horas diante centro de Saúde; de 10 a 12 na rúa Castelao
- Sanxenxo: Centro Saúde Baltar de 8 a 11 e Centro de Saúde Vilalonga 12 a 14
- Ribadumia: Recollida sinaturas de 10 a 12 no Centro de Saúde
- Moaña: 12 horas fronte ao Centro de Saúde
- Ponteareas: Cacerolada as 19 horas na Praza Bugallal
- A Guarda: 20 horas na Praza Avelino Vicente
- Val Miñor: 19 horas Alameda Ramallosa
- Cambados: 11 horas diante do Centro de Saúde
- Cerdedo: convocatoria popular e aberta, ás 19 horas
- Arbo: 19 horas, na Praza do Concello
- Vilagarcía: 19 horas diante Centro de Saúde de San Roque
- Cee: mesa de recollida de sinaturas Praza de Marzo de 10 até as 20 horas.
- A Rochela: Recollida a partir das 19 horas e colocación de candeas no Centro de Saúde
- Condado Paradanta: Seis alcaldes da comarca exixen aplicación de medidas urxentes no seus Centros de Saúde: Ponteareas, As Neves, Mondariz, Mondariz Balneario, A Cañiza e Salceda de Caselas
- Naron: recollida de sinaturas no centro de saúde, Rúa Camiño do Lodairo de 19.30 a 21 horas.
- Seixo: Recollida sinaturas diante do Centro de Saúde de Marín a partir das 11 horas
- A Garda: Concentración na praza Avelino Vicente ás 20 horas
- Acto artístico- reivindicativo da plataforma do Condado e a Paradanta (Covelo, Arbo, Cañiza, Ponteareas, As Neves, Salvaterra, Mondariz, Mondariz Balneario) as 19 horas na Praza Bugallal de Ponteareas.
- O Rosal: concentración as 20:00h. na Praza do Calvario.
