Polo menos catro persoas resultaron feridas esta cuarta feira en Vigo despois de que un coche impactase contra unha marquesiña de autobús.
Segundo as primeiras informacións que recibiu o 112 Galiza a través das chamadas de varios particulares, unhas tres persoas serían atropeladas, resultando tamén ferido o condutor do vehículo.
Os feitos ocorreron sobre as 13.40 horas na Avenida da Florida con Ponte da Veiga. Os servizos de emerxencias deron aviso aos bombeiros, a urxencias sanitarias e á Policía Local.
