Plataformas sociais e veciñais contra o "espolio" dos montes galegos da man do inzamento de parques eólicos veñen de asinar un manifesto, impulsado polo Colectivo pola defensa do Patrimonio A Forneiriña e Amil Sen Eólicos "a raíz do que está a acontecer no monte Acibal" —un proxecto paralizado cautelarmente pola Xustiza mais no que, segundo denuncia a veciñanza, a promotora segue a traballar—, que reuniu xa as sinaturas de máis de 80 profesionais e grandes figuras da cultura e ciencia galegas.
Os colectivos levan meses traballando neste manifesto e están "encantados" co apoio recibido de referentes de diferentes ámbitos como a Arqueoloxía, a Bioloxía ou as Artes de todo o país. Durante a súa elaboración tamén tiveron contactos con arqueólogos internacionais que están a estudar en detalle os petróglifos —algúns xa desaparecidos— atopados pola veciñanza no Acibal.
O contido deste texto chama á acción, reclamando o "deber lexítimo das entidades públicas" de defenderen o patrimonio histórico e natural "por enriba dos intereses empresariais". As entidades impulsoras do manifesto instan á revisión dos proxectos de 'macroeólicas' en zonas arqueolóxicas, a mellora dos instrumentos de avaliación ambiental e a replanificación do modelo de desenvolvemento económico da Galiza.
Unha parte esencial do alegato é o "compromiso coa soberanía dos concellos que rexeitan a instalación de 'macroeólicos' nas súas áreas e a necesidade de preservar e pór en valor o rico patrimonio cultural e natural" do país, precisan. Tamén se subliña a importancia de conservar os espazos naturais para garantir a súa biodiversidade.
Este documento leva por nome 'Manifesto Acibal' —podes consultalo completo aquí— e os asinantes confían en que sexa "un chamamento a protexer os montes galegos e a súa rica herdanza cultural e natural para as xeracións futuras, promovendo unha visión de desenvolvemento sustentábel que respecte a historia e a natureza da nosa terra".
O manifesto preséntase a mesma semana que unha sentenza do TSXG suspendeu cautelarmente as obras no Acibal. Os veciños e veciñas lamentan que esta medida "non chegase antes", mais celebran e ven a sentenza como "unha oportunidade para que dunha vez se avalíen os danos reais no Acibal e a non viavilidade dun polígono eólico no medio de un xacemento arqueolóxico e atravesando unha zona de humidal".
Persoas e colectivos asinantes
- Adolfo de Abel Vilela. Historiador.
- Agustín Azkarate Garai-Olann. Director Cátedra UNESCO de Paisajes Culturales y Patrimonio. Universidade do País Vasco.
- Alexandra Cabana Outeiro. Profesora e Fundadora da Revista Murguía.
- Alexandre Peres Vigo. Docente na Universidade da Coruña.
- Ana Isabel Filgueiras Rei. Arqueóloga municipal de Noia, profesora de Xeografía e Historia na UNED.
- Ángel Sobrino Núñez. Profesor de Filosofía, Escritor e Divulgador da obra de Ramón Sobrino Buhigas e Ramón Sobrino Lorenzo.
- Antonio Castro Rozados. Arqueólogo.
- Antonio Costa Iglesias. Investigador, membro do Instituto Padre Sarmiento do CSIC, correspondente do Museo de Pontevedra no Morrazo, debuxante arqueolóxico.
- Antonio de la Peña Santos. Arqueólogo membro do Instituto de Estudos Galegos e do Centro de Estudos Históricos de Pontevedra e Académico da Real Academia Catalá de Belas Artes.
- Antonio González Millán. Director do Museo Valle-Inclán, A Pobra, e historiador.
- Arturo Regueiro. Filósofo e escritor.
- Asociación Capitán Gosende.
- Asociación para a defensa do Patrimonio Cultural Galego (Apatrigal).
- Bruno Centelles. Membro da Xunta de Goberno do Instituto de Estudos Miñoráns.
- Bruno Rúa. Escritor, filósofo e guía turístico.
- Buenaventura Aparicio Casado. Doutor en Historia e Antropólogo.
- Calros Solla. Escritor e docente.
- Carlos Baliñas Pérez. Historiador e profesor da Universidade da Coruña.
- Carlos López Bernárdez. Crítico de Arte e escritor.
- Carlos Varela Aenlle. Etnógrafo.
- Colectivo Amigos dos Museos de Galicia
- Damián Porto. Escritor e Arquiveiro.
- Dario Seglie. Profesor, Doutor e Director Xeral do CeSMAP- Study Centre and Prehistoric Art Museum Polytechnic of Torino.
- David Barreiro Martínez. Técnico de investigación do CSIC - Consello Superior de Investigacións Científicas.
- David Otero. Escritor e Vicepresidente da Fundación Alexandre Bóveda.
- Elena Cabrejas. Arqueóloga.
- Elena Rodríguez Vieito. Activista medio ambiental.
- Eli Ríos. Escritora.
- Emma Pedreira. Escritora.
- Encarna Otero Cepeda. Activista da cultura e o territorio.
- Felipe Criado Boado. Arqueólogo do INCIPIT-CSIC.
- Felipe-Senén López Gómez. Arqueólogo e Historiador da Cultura Galega.
- Fernando Carrera. Arqueólogo, Restaurador especialista en Arte Rupestre.
- Fernando Coimbra. Profesor no Instituto Politénico de Tomar, Portugal.
- Fernando González Graña. Escritor.
- Fernando Javier Costas Goberna. Investigador.
- Fernando Salgado. Escritor e xornalista.
- Fina Casalderrey Fraga. Mestra e escritora.
- Fran Remiseiro. Escultor.
- Héitor Picallo Fontes. Enxeñeiro Naval e Historiador.
- Joaquín Araújo. Campesiño, escritor e activista ecolóxico.
- José Casal Porto. Activista cultural
- José Suárez Otero. Arqueólogo.
- Juan Hermida. Doutor en Bioloxía e Director do Instituto de Estudos Miñoráns.
- Julio Fernández Pintos. Arqueólogo especialista en Arte Rupestre.
- Loli Quinteiro. Fotógrafa.
- Manuel Busto Magdalena. Artista plástico.
- Manuel Constantino Camba Gayoso. Carteiro e membro da AACC Liga Céltiga.
- Manuel Ferreiro. Escritor e Catedrático da Universidade da Coruña.
- Manuel Rivas. Escritor, guionista e xornalista.
- Manuel Santos Estévez. Arqueólogo especialista en arte rupestre.
- María Antonia Pérez Rodríguez. Profesora da Universidade da Coruña.
- María do Rosário Sousa. Profesora do ensino básico na Escola de Chamusca, Portugal.
- María Luisa Álvarez Garea. Activista cultural.
- María Silva Gago. Doutora en Evolución Humana pola Universidade de Burgos.
- Maribel Iglesias Baldonedo. Historiadora.
- Mateo Fontán. Arqueólogo.
- Miguel Ángel Álvarez Rodríguez. Xornalista e artista.
- Mónica Fernandez-Aceytuno. Bióloga e Defensora do Monte do Gato.
- Noemí Silva Sánchez. Doutora, investigadora especialista en turbeiras.
- Pablo de Llano Neira. Xornalista.
- Paula Vázquez Verao. Historiadora e activista cultural.
- Pedro de Llano Cabado. Arquitecto galardoado co Premio de Arquitectura e Rehabilitación de Galicia 2023.
- Pepa Rey Castiñeira. Doutora da Universidade de Santiago de Compostela e Arqueóloga.
- Piero Ricchiardi. IFRAO Italian Representative. Presidente do CeSMAP- Study Centre and Prehistoric Art Museum Polytechnic of Torino.
- Pilar Sampedro. Docente e crítica literaria.
- Rafael Quintía Pereira. Antropólogo.
- Rodrigo Costoya. Docente e escritor.
- Rosa María Regueiro. Profesora titulada de Economía Aplicada da Universidade de Santiago de Compostela.
- Santiago Bas López. Doutor en Bioloxía e mestre.
- Serafín González Prieto. Presidente da Sociedade Galega de Historia Natural.
- Simon Doubleday. Profedor en Hofstra University.
- Vicente Caramés Moreira. Arqueólogo do Museo do Mar de Vigo.
- Vítor Xosé Cabaleiro Barroso. Biólogo.
- Xilberte Manso de la Torre. Membro da Xunta de Goberno do Instituto de Estudos Miñoráns.
- Xosé Couñago Ribeira. Profesor.
- Xosé Henrique Costas. Profesor da Universidade de Vigo.
- Xosé Lois Vázquez Pérez. Fotógrafo, editor e deseñador.
- Xosé Lois Vilar Pedreira. Arqueólogo do Instituto de Estudos Miñoráns.
- Xosé Luis Otero. Artista.
- Xosé Luís Santos Cabanas. Escritor.
- Xosé María Lema Suárez. Historiador e escritor.
- Xulio Carballo Arceo. Doutor da Universidade de Santiago de Compostela e Arqueólogo.