Os membros da Comisión contra as Minas da Terra Chá denuncia a existencia de unha actividade mineira "ilegal" no concello de Cospeito. O colectivo asegura que detectou movementos nunha mina na parroquia de Goá "hai uns días".
A plataforma engade que, por diferentes fontes da vila, tivo coñecemento de que a empresa "Erimsa está a ofrecer contratos de arrendamento a veciños da zona de O Arneiro", un lugar que se atopa nesa mesma zona onde viron actividade.
A través da súa denuncia pública, a Comisión subliña que a compañía "tenta desde 2006 conseguir autorización para explotacións mineiras na zona".
Porén, polo de agora as solicitudes ás Administracións públicas acumulan "varias sentenzas desestimatorias".
Alerta en Touro
Pola súa banda, a Plataforma veciñal Mina Touro O Pino Non pregúntase se a empresa Cobre San Rafael ten a pretensión de chegar ao xulgado co seu proxecto.
Acusa á firma de "enmascarar a súa incompetencia con refritos de informes e accións da mal denominada responsabilidade social corporativa"
Despois dunha declaración de impacto ambiental e unha resolución negativa, remarca, "a mina de Touro tenta facer o seu proxecto inviable pola vía do recurso".
Esta plataforma critica o suposto intento de "enmascarar a súa incompetencia con refritos de informes e accións da mal denominada responsabilidade social corporativa" e "apostando polo litixio coa veciñanza".
