O comité clínico que asesora á Xunta no marco da pandemia pola Covid-19 traballa en "recomendacións" como limitar as reunións a "8-10 persoas" no marco das celebracións do Nadal en función da evolución epidemiolóxica por este coronavirus.
Así o ratificou o conselleiro de Sanidade, Julio García Comesaña, no marco do Foro Saúde de Nova Economía Fórum ao que asistiu nun hotel de Madrid, e que foi difundido online, ao ser preguntado sobre a situación de Galiza pola Covid-19 e as novas medidas que estuda a Xunta.
Neste sentido, o titular de Sanidade reivindicou o uso do certificado Covid "para garantir espazos máis seguros", así como para "animar á vacinación".
Por iso, explicou que na actualidade xa é requirido para acceder, ademais da hostalaría, a hospitais, e agora a Xunta pediu autorización ao Tribunal Superior de Xustiza de Galiza (TSXG) para estender o seu uso para entrar en cinemas e "lugares onde se come e bebe dentro do espazo" como nesas salas, así como en eventos masivos.
Sobre o traballo do comité clínico que asesora á Xunta durante a pandemia, Comesaña reiterou que traballa con "recomendacións" como limitar o número de persoas a un rango de oito ou dez en reunións de cara ás festas do Nadal, do mesmo xeito que se fixo no ámbito da hostalaría, que baixou " de 10 a 8", lembrou.
Admitiu que lles "preocupa" na actualidade a situación nas áreas sanitarias de Ourense e Vigo, polo que non desbotan "facer unha análise detallada para que non cheguen ao momento crítico na UCI", matizou.
Respecto diso, o titular de Sanidade comentou que "todas as semanas" revisan os datos de incidencia e a súa repercusión no ámbito hospitalario no conxunto de Galiza.
No entanto, admitiu que lles "preocupa" na actualidade a situación nas áreas sanitarias de Ourense e Vigo, polo que non desbotan "facer unha análise detallada para que non cheguen ao momento crítico na UCI", matizou.
Sobre a mobilidade da semana pasada con motivo dos festivos da ponte de decembro, o conselleiro resaltou que "vai repercutir" na incidencia, á vez que valorou o "alto número de test que se fan en farmacias" os cidadáns. "Estamos preocupados, vendo datos e expondo solucións", aseverou.
E lembrou na súa intervención, na que destacou o papel das oficinas de farmacia no marco da pandemia, que desde 17 de decembro as familias poden recoller autotest Covid para nenos de 11 a 5 anos nas boticas galegas.