O Grupo Parlamentario acordou esta semana o reparto de áreas de traballo entre os seus integrantes para a XII Lexislatura que agora comeza na Cámara galega. Tal e como sinalou o portavoz do Grupo Socialista, José Ramón Gómez Besteiro, o obxectivo é despregar “unha oposición firme e construtiva” na defensa dos servizos públicos da Galiza e co obxectivo de “reivindicar e pór en valor o traballo do Parlamento como Cámara de representación de todos os galegos e galegas”.
As parlamentarias e parlamentarios socialistas afrontan unha nova etapa centrada na presentación de propostas alternativas solventes ao Goberno do PP pero mantendo o ánimo fiscalizador da actividade da Xunta da Galiza e na atención aos “problemas reais” dos galegos e das galegas.
Anuncian, pois, unha oposición en positivo, ademais de responsábel e vixilante “para que a Xunta eleve o nivel” e afastada da liña “irresponsábel e destrutiva” do PP en Madrid.
Os socialistas galegos afirman que se comprometen a elevar a voz fronte a unha “mala xestión que poña en perigo o futuro de Galicia”, e que logo de 15 anos de gobernos do PP situaron a Galicia á cola dun Estado que está a medrar cinco veces máis que o entorno europeo.
Reparto por Áreas
Comisión 1ª
Paloma Castro: Política Exterior, Emigración, Interior, Xustiza, Cooperación e Deportes
Patricia Iglesias: Calidade Democrática e Transparencia
Julio Abalde: Administración Pública e Administración Local
Comisión 2ª
Carlos López Font: Infraestruturas, Transporte, Ordenación do Territorio e Vivenda
Paloma Castro: Medio Ambiente
Comisión 3ª
Patricia Iglesias: Economía e Facenda
Elena Espinosa: Orzamentos
Comisión 4ª
Silvia Longueira: Cultura e Lingua
Julio Abalde: Educación e Universidades
Comisión 5ª
Elena Espinosa: Sanidade
Silvia Longueira: Política Social, Mocidade, Voluntariado e LGTBI
Carmen R. Dacosta: Emprego e Igualdade
Comisión 6ª
Patricia Iglesias: Industria e Enerxía
Lara Méndez: Comercio, Turismo e I+D+i
Comisión 7ª
Carmen Rodríguez Dacosta: Montes
Lara Méndez: Agricultura e Gandería
Comisión 8ª
Julio Abalde: Pesca
Marisqueo: Carlos López Font