Mariano Rajoy anunciou esta quinta feira (18 de xuño) algúns cambios na dirección estal do Partido Popular. Embora se barallaran mudanzas substanciais, Rajoy limitouse a actual na segunda liña da formación. Neste senso, mantén a María Dolores de Cospedal como secretaria xeral aínda que con menos responsabilidades.
Doutra banda, ascendeu a Javier Maroto, ex-alcalde de Gasteiz, que asumirá a vicesecretaría sectorial; a Pablo Casado, que actuará como vice-secretario de Comunicación e a Fernando Martínez Maíllo que substitúe a Carlos Floriano como vice-secretario xeral do partido.
Mariano Rajoy anunciou en comparecencia de imprensa que toma as "rendas" do PP e avanzou que asistirá ás xuntanzas do comité de dirección do PP. Aliás, deu a pistolada de saída á pre-campaña electoral.
Así, convocou unha Conferencia Política para os días 11 e 12 de xullo na que se deseñarán as liñas fundamentais do programa electoral de cara aos comicios de outono. Neste senso, outra das novidades foi o nomeamento da catalá Andrea Levy como coordenadora do programa. Jorge Moragas será quen dirixa a campaña electoral.
