A secretaria xeral de Podemos, Ione Belarra, pediu "valentía" ao Goberno para "porse diante da xente" e facer "cumprir" a Lei da Cadea Alimentaria, dixo nun mitin na Coruña en apoio á súa candidata nas eleccións galegas e en referencia ás protestas dos agricultores.
Fíxoo nun acto na Coruña, no que tanto Belarra como Irene Montero, ex ministra de Igualdade e candidata da formación morada nas Eleccións europeas, abeiraron a candidata á Presidencia da Xunta da Galiza, Isabel Faraldo.
"É unha tentación moi perigosa no PSOE e da progresía mediática dicir que son da extrema dereita estas mobilizacións". "Hai un malestar, unha necesidade de fondo real que non está a ser atendida", afirmou ao incidir en que isto debe ser a prioridade.
"As dereitas fréanse con máis dereitos e non mirando para outro lado", sinalou en relación á situación dos traballadores do campo e situando o problema nas marxes de beneficios das grandes cadeas de supermercados.
"O que lle corresponde ao PSOE é pórse diante da xente". "É urxente que se cumpra a Lei da Cadea Alimentaria para cumprila, fai falta valentía, un Goberno que goberne e non teña medo aos poderosos", sentenciou tamén.
Á súa vez, a ex ministra de Igualdade, Irene Montero, trasladou o apoio de Podemos aos traballadores do campo e a "defensa" das súas reivindicacións pese ao "intento de instrumentalización desa loita pola dereita".
