venres 29.05.2020

Foro de Salzsburgo sinala Lores como unha das “10 persoas que fan un mundo mellor”

O alcalde de Pontevedra impulsou unha mudanza radical da cidade na que devolveu “a cidade ás persoas”, destaca.

Foro de Salzsburgo sinala Lores como unha das “10 persoas que fan un mundo mellor”

O Seminario Global de Salzsburgo é unha pretixiosa organización sen ánimo de lucro que leva  décadas organizando encontros e xornadas internacionais nos que se tratan diversas cuestións, desde economía a cultura, pasando por dereitos sociais, medio ambiente ou xeopolítica. Desde a súa posta en andamento en 1947 acolleu máis de 500 seminarios, nos que tomaron parte por volta de 30.000 participantes de 169 estados diferentes.

LoresEste Foro vén de situar o alcalde de Pontevedra, Miguel Anxo Fernández Lores, como “unha das 10 persoas que forman un futuro mellor”. Así o recolle a revista Clemens, editada polo Foro, e na que Lores partilla lista con persoas como a tailandesa Salinee Hurley, pioneira en enerxías limpas; SukhDeep Singh, activista indio polos dereitos LGTBI, ou a surafricana Tolu Oni, investigadora en sanidade pública.

O rexedor pontevedrés participou na edición de 2018 deste Foro, que nesa edición debruzouse sobre a emerxencia climática e o papel a xogar polas cidades. Segundo recolle Clemens, Fernández Lores transformou Pontevedra, que nos seus mandatos pasou de ser un “almacén de coches” a un “paraíso pedestre”. Destaca o Foro os recoñecementos logrados estes anos por Pontevedra coas súas políticas e salienta que se reducise en 66% as emisións de CO2.

comentarios