caadas.- Xogo que consistía en que dous nenos agarrados rodasen polo chan. Isto era mais divertido cando había unha boa pendente.
Exemplo.- “Xogamos ás caadas?”
Lugar de escoita.- Santa María de Vigo.
Fonte.- Ana María Santiso Sanjurjo.
castro.- (Ademais de significados rexistrados) Xogo de nenas que consiste en facer uns recadros no chan polos que hai que levar un tello, a pé manguiño, sen saír fóra, pisar as liñas ou pousar o pé. Mariola.
Lugar de escoita.- San Mamede de Carnota (A Coruña).
Fonte.- Mar Llinares García.
couto.- (Ademais dos significados coñecidos e recollidos nos dicionarios convencionais) No xogo da queda, palabra que se berraba logo de acadar lugar con inmunidade.
Lugar de escoita.- Ourense.
Fonte.- Anselmo López Carreira.
pello.- (Ademais doutros significados rexistrados) Xogo infantil: mariola.
Exemplo.- “Imos xogar ao pello.”
Lugar de escoita.- Beade (Vigo) e contorna.
Fonte.- Josefina Davila Davila.
pincho.- (Ademais de significados xa rexistrados) Xogo que consistía en lanzar ou petar un pau noutro. Outra variante consistía en que os xogadores espetasen un pau na terra. Gañaba o que o cravaba máis fondo.
Lugar de escoita.- Porto do Son.
Fonte.- José Castro/ C.D. Atalaia de Vigo.
