calexón.- (Ademais de significados xa rexistrados) Lugar no que abunda moito o toxo.
Lugar de escoita.- As Pontes.
Fonte.- EDLG IES Moncho Valcarce (As Pontes).
herba segueda.- Herba tenra e vizosa.
Lugar de escoita.- Vigo (Cabral e Candeán).
Fonte.- Informante de Manuel Cabada Castro.
Outros apuntamentos.- Comenta a informante que medraba nun noiro ou herbal onde pola parte de arriba había un pequeno carreiriño (chamado “seguedo”) polo que corría un cativo regueiro do que saía auga cara ó noiro.
paolo.- (Ademais de significados rexistrados) Toxo gateño.
Lugar de escoita.- Baiona.
Fonte.- Informante do Centro de Día de Baiona.
petoco.- Morea de herba seca en forma de cono que se fai nos prados para que non se molle coa choiva.
Exemplo.- “Despois de segar fanse os petocos.”
Lugar de escoita.- O Cadramón (O Valadouro).
Fonte.- Granada Pedreira Quende (avoa de Pablo Díaz García).
Outros apuntamentos.- Enviada por Juncal Martínez, do IES Leiras Pulpeiro de Lugo.
toxo barreto.- Chámase así a unha variedade de xénero Erica.
Lugar de escoita.- Aldeas da Serra da Groba.
Fonte.- Informante do Centro de Día de Baiona.
toxo cachar.- Toxo que bota a flor en primavera.
Lugar de escoita.- Fondós, Quireza (Cerdedo).
Fonte.- Asunción Álvarez.
