A UE tenta superar a división sobre o envío de armas a Ucraína cunha reunión en Kíiv

Os ministros e as ministras de Exteriores dos Estados da Unión Europea (UE) mantiveron esta segunda feira por primeira vez unha reunión de alto nivel desta tipoloxía fóra das fronteiras comunitarias, que decorreu en Kíiv, a capital ucraína. Fico gaña as eleccións e propón negociar o fin da guerra de Ucraína con Rusia e retirar o apoio militar a Kíiv Coa reunión, convocada polo alto representante da UE para Política Exterior, Josep Borrell, Bruxelas tratou de lanzar unha mensaxe simbólica de unidade no contexto das discrepancias xurdidas en Estados como Polonia, Hungría ou Eslovaquia no referente ao apoio a Ucraína. Polonia, que anunciou nas últimas semanas que non mandará novos equipos militares, enviou a Kíiv un representante de rango menor, o subsecretario de Exteriores, Wojciech Gerwel, segundo confirmaron fontes diplomáticas. A negativa de Varsovia a enviar novo armamento a Ucraína supón unha greta importante para as intencións da UE, posto que até o momento fora un dos apoios máis firmes cos que contaba Ucraína. A recente negativa polaca ao apoio militar a Kíiv é tamén abertamente compartida por Hungría. Eleccións en Eslovaquia Neste contexto, o apoio centroeuropeo a Ucraína na guerra con Rusia cambalease, pois á negativa polaca e húngara ao envío de armas únese a vitoria de Robert Fico (que se opón rotundamente á axuda militar a Kíiv) nas eleccións do sábado en Eslovaquia. Fico, que xa fora primeiro ministro eslovaco nos períodos de 2006-2010 e 2012-2018 e que obtivo o sábado 23,3% do apoio popular, ve factíbel unha coalición de Goberno entre o seu partido (Smer-SD, en galego Dirección-Socialdemocracia), o socialdemócrata Hlas e o conservador Partido Nacional. Despois dos resultados, a presidenta de Eslovaquia, Zuzana Caputova, encargou esta segunda feira a Fico a formación de Goberno, tras explicar que a súa tarefa constitucional pasa por "respectar" o resultado e garantir o funcionamento de todos os órganos. Caputova fixo público este mandato de tecer alianzas de cara a posíbeis pactos mesmo antes de recibir os representantes das forzas políticas, incluíndo a Fico. "A vitoria de Smer-SD pon de manifesto que o electorado está canso da guerra en Ucraína e que preferiu a mensaxe de priorizar os asuntos estatais", salientan os analistas de Europa Press. De regresar ao cargo, afirmou Fico na campaña, non entregará "nin unha soa bala" ao Goberno de Kíiv. "A paz é a única solución. Négome a que me critiquen como belicoso só por falar de paz, mentres a quen apoian a guerra e as matanzas se lles chama activistas pola paz", dixo o líder de Smer-SD durante un mitin en Michalovce, cidade próxima ao bordo con Ucraína. De consumarse unha coalición liderada por Fico e a reválida do partido gobernante en Polonia Lei e Xustiza á fronte do Executivo o próximo mes, o centro de Europa podería converterse nunha sólida fronte, tendo en conta tamén a posición de Hungría e Serbia ao respecto, de oposición á política de Bruxelas en relación á guerra de Ucraína. Conxelación de fondos por parte dos Estados Unidos Ás gretas xurdidas en Europa Central para as expectativas da UE e de Ucraína únese a decisión d0 Congreso dos Estados Unidos de América de aprobar un anteproxecto que exclúe dos orzamentos gobernamentais o financiamento adicional para Ucraína. O presidente da Cámara de Representantes e impulsor do anteproxecto, Kevin McCarthy, declarou este domingo nunha entrevista coa canle CBS que as súas prioridades teñen máis que ver cos propios intereses dos EUA, Medios dos EUA atribúen a Ucraína o mísil que matou 17 persoas en Donetsk en especial coa seguridade na fronteira, que con proporcionar axuda adicional a Ucraína, armas incluídas. Ante isto, tanto Kíiv como Bruxelas reclamaron esta segunda feira que o órgano dos EUA reconsidere a decisión. Neste sentido, o presidente dos EUA, Joe Biden, lembrou o seu compromiso de apoiar o financiamento da guerra en Ucraína. "Non podemos permitir baixo ningunha circunstancia que se apoie o apoio estadounidense a Ucraína", remarcou Biden. Pola súa parte, Borrell indicou que espera que a decisión se "reconsidere" e que tanto a UE como os EUA estean do lado de Ucraína ante a contraofensiva en marcha para repeler as forzas rusas no campo de batalla. A pesar da difícil situación que se lle presenta a Bruxelas diante das fendas no apoio bélico a Ucraína, o alto representante de Exteriores afirmou esta segunda feira que "todos os meus colegas acudiron aquí [a Kíiv] coa vontade de mostrar e demostrar o compromiso da UE de seguir apoiándote fronte á guerra de agresión de Rusia", sinalou nunhas palabras dirixidas ao ministro de Exteriores ucraíno, Dimitro Kuleva. Cooperación militar entre Polonia e o Reino Unido A política que segue agora Polonia, de priorizar o seu arsenal e o seu Exército en detrimento da axuda a Ucraína, viuse esta segunda feira referendada pola chegada de varios avións de combate Eurofihter Typhoon desde o Reino Unido, anunciada polo ministro de Defensa polaco, Mariusz Blaszczak. "Os avións de combate xa se atopan en Polonia. Os pilotos británicos, xunto cos nosos pilotos de F-16, patrullarán o espazo aéreo polaco", afirmou. Varsovia di que o mísil que alcanzou Polonia no ano 2022 era de Ucraína O ministro de Defensa británico, Grant Shapps, xa anunciara a despregadura dos avións o domingo, sinalando que busca favorecer a protección do "aliado" ante a "crecente ameaza" por parte de Rusia. Mentres tanto, Moscova denuncia unha "actividade sen precedentes" dos Estados da OTAN nas súas fronteiras. Robert Fico, líder do eslovaco Smer-SD Robert Fico, líder do partido eslovaco Smer-SD, o máis votado nas eleccións lexislativas do sábado, é coñecido pola súa promesa de deter os envíos de armas a Ucraína e a súa posición a prol dunha solución pacífica a un conflito que, na súa opinión, comezou en 2014. "Creo que a guerra en Ucraína non empezou hai un ano e dous meses, senón que empezou en 2014 cando os fascistas ucraínos mataron cidadáns rusofalantes no Donbás", afirmou Fico hai meses nunha entrevista. Kevin McCarthy, líder republicano nos EUA Kevin McCarthy, líder republicano e presidente da Cámara de Representantes dos EUA, conseguiu na noite do sábado ao domingo un acordo in extremis para unha prórroga orzamentaria que permitirá manter o financiamento do Goberno estadounidense até o 17 de novembro. A iniciativa, que exclúe un maior financiamento a Ucraína, pon en risco o cargo do líder republicano, que tivo que apoiarse nos demócratas e romper co sector máis duro do seu propio partido. Mariusz Blaszczak, ministro polaco de Defensa Mariusz Blaszczak, ministro polaco de Defensa, amosou esta segunda feira a súa ledicia pola chegada de avións de combate do Reino Unido. Este acordo chega nun contexto no que Varsovia entende que debe centrarse en modernizar o seu Exército e o seu arsenal. Algo que, unido ás tensións con Ucraína, especialmente con respecto ao veto ás importacións de gran, motivou que o Goberno polaco se negue a facer novos envíos de armas a Kíiv máis alá dos xa acordados.