Sindicatos italianos convocan a primeira folga xeral contra o Goberno de Giorgia Meloni

Os sindicatos de base (USB, polas súas siglas en italiano) convocaron a unha folga xeral a sexta feita con manifestacións en todas as cidades, mentres que para o sábado convocouse unha manifestación en Roma cunha marcha que partirá desde a Piazza della Repubblica.
A primeira ministra italiana, Giorgia Meloni (Foto: Roberto Monaldo / LaPresse via ZUM / DPA).
photo_camera A primeira ministra italiana, Giorgia Meloni (Foto: Roberto Monaldo / LaPresse via ZUM / DPA).

Sindicatos italianos convocaron para as xornadas desta sexta feira e este sábado unha folga xeral, a primeira contra o Goberno ultradereitista de Giorgia Meloni e que se estende polas principais cidades da península.

Os sindicatos de base (USB, polas súas siglas en italiano) convocaron a unha folga xeral a sexta feita con manifestacións en todas as cidades, mentres que para o sábado convocouse unha manifestación en Roma cunha marcha que partirá desde a Piazza della Repubblica.

De acordo coa convocatoria, "o Goberno debería pór a man na fronte dos salarios, nos salarios baixos, nas pensións mínimas, reintroducir unha maior progresividade fiscal, fortalecer as redes de seguridade social e conxelar os prezos das necesidades básicas. En cambio, fixeron exactamente o contrario".

Denuncian como motivos do paro xeral destes días que "as intervencións sobre as pensións foron insignificantes, mentres que as clases máis acomodadas seguen sendo favorecidas tamén a través da tributación subsidiada, introducindo as primeiras mostras dun futuro imposto de tipo único".

Nese mesmo sentido, refiren que "golpearon a renda básica ao continuar a guerra contra os pobres, xa emprendida por Gobernos anteriores. Reduciron a desgravación nas facturas das familias, confirmando plenamente só as das empresas".

Noutra parte da declaración e convocatoria, os sindicatos denuncian que os orzamentos enviados por Meloni ao Parlamento "parecen estar en absoluta continuidade co Goberno anterior de Mario Draghi, e os comisarios da Unión Europea".

A INFORMACIÓN GALEGA ESTÁ NA TÚA MAN!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

comentarios