Seis palabras para interpretar a iniciativa de paz da China

En abril de 2022, no seu discurso principal durante a inauguración da reunión anual do Foro de Boao para Asia, o presidente de China, Xi Jinping, presentou por primeira vez a Iniciativa de Seguridade Global, respondendo as preguntas "Que tipo de concepto de seguridade necesita o mundo?” e “Como os países poden lograr a seguridade común?" O 21 de febreiro de 2023, China publicou o Documento Conceptual da Iniciativa de Seguridade Global, que explica os conceptos e principios básicos da iniciativa e aclara as direccións chave de cooperación, así como as plataformas e mecanismos de cooperación. Este documento pódese interpretar a través de seis palabras. 1.— Seguridade. O documento sinala que a humanidade é unha comunidade de seguridade indivisíbel, que se debe respectar e garantir a seguridade de cada un dos países, que os intereses de seguridade de todos os países son iguais e que a seguridade dun país non debe ser prexudicial para a seguridade doutros. Na actualidade, as ameazas tradicionais e as non tradicionais á seguridade están entrelazadas. A crise de Ucraína desbordouse e estendeuse a todo o mundo. O terrorismo, o cambio climático, a ciberseguridade e a bioseguridade merecen grande atención dos países. 2.— Soberanía. Os países, grandes ou pequenos, fortes ou débiles, ricos ou pobres, son membros iguais da comunidade internacional. Os asuntos internos dos países non poden ser interferidos polos demais. A soberanía, a dignidade e a integridade territorial deben ser respectadas. O dereito para elixir de forma independente o camiño de desenvolvemento e o sistema social debe ser defendido. 3.— Regras. Débese practicar un verdadeiro multilateralismo, salvagardar firmemente o sistema internacional coas Nacións Unidas como núcleo, a orde internacional baseada no dereito internacional e as normas básicas das relacións internacionais baseadas nos propósitos e principios da Carta da ONU. Débese defender a autoridade das Nacións Unidas e a súa posición como plataforma principal na gobernanza da seguridade mundial. Débese resistir conxuntamente a mentalidade da guerra fría, o unilateralismo, a confrontación de bloques e o hexemonismo. 4.— Diálogo. As diferenzas e controversias entre os Estados deben resolverse por medios pacíficos mediante o diálogo e a consulta. Os países deben comunicarse francamente, resolver contradicións e controlar as diferenzas. As grandes potencias deben adherirse á xustiza, persuadir a paz, promover as negociacións e mediar entre as partes conflitivas. A comunidade internacional debe apoiar todos os esforzos que favorezan unha solución pacífica da crise e opoñerse conxuntamente ao abuso das sancións unilaterais e a "xurisdición de brazo longo". 5.— Cooperación. Os países deben practicar o concepto de gobernanza global de discutir, construír e compartir xuntos, facer fronte conxuntamente aos conflitos rexionais e as cuestións globais como o terrorismo, o cambio climático, a seguridade cibernética e a bioseguridade, actuar xuntos e compartir tanto as responsabilidades como os resultados, e promover eficazmente a gobernanza da seguridade mundial. 6.— Sustentabilidade. O desenvolvemento é a última palabra e a base para resolver todos os problemas de seguridade. As contradicións entre os países e dentro dos países deben resolverse promovendo o desenvolvemento dos mesmos. Hai que eliminar os solos de inseguridade e lograr unha seguridade sostíbel. A publicación do documento coincide co primeiro aniversario da crise de Ucraína, cuxo impacto afecta a todo o mundo, e os países enfróntanse ao tema común sobre como facer que o mundo sexa máis seguro. Construír un mundo máis seguro é a procura inquebrantábel chinesa. China adhírese ao camiño de desenvolvemento pacífico e comprométese a facer que a xente leve unha vida máis feliz. China é consciente da importancia da paz e a tranquilidade mundiais e da cooperación beneficiosa para todos os países China é consciente da importancia da paz e a tranquilidade mundiais e da cooperación beneficiosa para todos os países e publicou este documento conceptual co obxectivo de proporcionar unhas ideas sistemáticas e medidas viábeis para resolver os problemas de seguridade mundial. Construír un mundo máis seguro require os esforzos conxuntos de China e a UE. O presidente Xi Jinping dixo: "Os países do mundo estamos a viaxar nun gran barco de destino común. Para cruzar as ondas tormentosas e navegar cara a un futuro brillante, debemos traballar xuntos no mesmo barco". Non podemos permitir que a sociedade humana volva ao vello camiño da confrontación de bloques, nin caer na trampa do xogo de suma cero e do conflito bélico. Temos a responsabilidade de tomar as decisións correctas para o benestar de toda a humanidade.