Varias unidades das forzas armadas ucraínas están en Donetsk para recuperar os edificios ocupados por pro-rusos e sufocar o xérmolo de revolta que se estaba a producir neste territorio, que hai uns días se autoproclamou República Popular. Kiev fala dunha operación 'anti-terrorista' e pide aos civís de Donetsk que non saian á rúa mentres esta non finalice.
En varios barrios da cidade de Slavianks houbo intercambio de disparos e xa habería, segundo as axencias, un mínimo de dous mortos: un oficial ucraíno e un activista pro-ruso. Tamén hai un número aínda indeterminado de feridos.
Nas últimas horas houbo ocupacións de novos edificios gobernamentais por parte de activistas pro-rusos. O envío de tropas ucraínas a esas zonas non fai máis que incrementar a tensión. En accesos a Slaviansk, manifestantes prenderon lume a barricadas de neumáticos.
Grupos paramilitares fascistas
Segundo axencias rusas, grupos paramilitares de neofascistas ucraínos chegaron nas últimas horas a Slaviansk, onde xa atacaron a activistas e a manifestantes pro-rusos
Tanto Estados Unidos como a OTAN sinalaron a Rusia como responsábel última do que está a suceder en Ucraína.