50 persoas mortas e 53 feridas é o balanzo do ataque nun clube nocturno de Orlando (Florida, EUA) no que irrompeu o asaltante para disparar de maneira indiscriminada contra as asistentes. O autor, identificado por algúns medios como un estadounidense de 29 [aínda non hai confirmación oficial] tomou reféns e atrincheirouse con eles até a chegada da policía, que o abateu após detonar dúas cargas explosivas como manobra de distracción.
O ataque a este clube de sona entre a comunidade LGTBi está a ser investigado como un acto de terrorismo. O FMI declarou na mañá do domingo que “temos indicios de que este individuo pode ter inclinación cara ao terrorismo islamista, mais non o podemos dicir de maneira concluínte”.
Esta matanza volve pór sobre a mesa o debate arredor da tenza de armas nos EUA dada a facilidade para acceder a elas -o asaltante levaba un fusil de asalto-, así como a discriminación á que está sometido o movemento LGTBi.