martes 18/01/22

Alemaña: ministro de Sanidade avoga por confinar os non vacinados para conter a pandemia

O Instituto Robert  Koch ( RKI), que vixía a evolución da pandemia, notificou esta quinta feira 73.209 novos casos, o que achega a Alemaña ao limiar dos 6 millóns de contaxios rexistrados.

Berlín

O ministro de Sanidade alemán, Jens Spahn, avogou por impoñer un confinamento domiciliario para quen non se vacinou contra a Covid-19, unha nova iniciativa que, en calquera caso, podería terminar aplicando o futuro Goberno, co socialdemócrata Olaf Scholz á fronte.

Spahn, compañeiro de partido da chanceler, Angela Merkel, recoñeceu a necesidade de que se acorden novas restricións na reunión que teñen previsto manter esta quinta feira o Goberno central e os representantes dos 16 lander. Os non vacinados, engadiu, "representan un risco para todo o sistema de saúde".

"Se miras ás unidades de coidados intensivos, se miras a tendencia de contaxios, é moito maior entre quen non se vacinaron", sinalou o ministro en declaracións á cadea  ZDF. Por este motivo, expuxo que estas persoas queden vetadas en "practicamente todas as áreas".

Ademais, Spahn expuxo a cancelación de grandes eventos, ou polo menos a redución de ocupacións, así como peches de locais de lecer nocturno.

Alemaña reduciu lixeiramente os niveis de contaxio nestes últimos días, a incidencia de positivos a sete días rolda os 440 por 100.000 habitantes, mais o ministro dá por feito que polo menos durante os próximos días seguirá habendo máis de 6.000 enfermos en unidades de coidados intensivos.

O Instituto Robert  Koch ( RKI), que vixía a evolución da pandemia, notificou esta quinta feira 73.209 novos casos, o que achega a Alemaña ao limiar dos 6 millóns de  contaxios rexistrados. Polo menos 102.178 pacientes faleceron, 388 máis que na cuarta feira.

A información galega está na túa man!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

Alemaña: ministro de Sanidade avoga por confinar os non vacinados para conter a pandemia
comentarios