A multitudinaria marcha -organizada por Herrira- expresa que un importantísimo sector da sociedade basca repudia a política penitenciaria do Estado español por non respeitar dereitos humanos fundamentais dos militantes de ETA encarcerados e dispersos por distintos penais da península.
O retorno d@s pres@s a Euskal Herria e o avanzo cara a unha solución democrática do conflito político foi a principal demanda da maré humana despregada polas rúas de Bilbo.
No manifesto co que se fechou a marcha, os portavoces de Herrira enfatizaron: «Os gobernos español e francés deben dar pasos. Este pobo reclámao. A crueldade sempre foi asideiro da covardía. Sexan valentes. Por unha vez, póñanse ao nível que exixe a situación".
![[Imaxe: @Larbelaitz]](/asset/zoomcrop,480,270,center,center/media/nosdiario/images/2016/01/10/2016011010221171635.jpg)