Touriñán: "Para min defender o galego é unha posición natural"

Xosé Antonio Touriñán é unha figura destacada e discutida da comedia galega. Monologuista de longo alcance, actor de teatro, cine e televisión, presentador, animador cultural… a súa carreira demostra que sempre ten as audiencias no punto de mira, mais tamén que é quen de afrontar retos artísticos de maior envergadura, como a adaptación de Fariña ao teatro, coa que recolleu o recoñecemento do público e da crítica. Parece empeñado en conquistar novos terreos para a comedia e parece que o logra: neste momento mantén o protagonismo co seu papel no filme Cuñados.