Ignacio Ramonet, radiografía da policrise

Ignacio Ramonet (Redondela, 1940) regresou vinte anos despois á Universidade de Santiago de Compostela para impartir, a pasada quinta feira, un seminario sobre xeopolítica contemporánea na Facultade de Ciencias da Comunicación da man do grupo de Estudos Audiovisuais. Doutor en Ciencias Sociais, director de Le Monde Diplomatique, profesor de Teoría da Comunicación na Universidade de París e autor dunha trintena de libros, a súa figura poliédrica valeulle innumerábeis premios e distincións. Conversamos con el sobre as chaves para entender o mundo.