Facua chama a mobilización contra a suba da luz que, segundo calcula, sufriu un incremento dun 78% nos últimos dez anos debido ´as “políticas liberalizadoras desenvolvidas polos gobernos do PP e o PSOE”.
Reclaman ao Goberno unha nova regulación das tarifas que deixe de basearse no mercado, unha auditoria sobre o déficit de tarifa e tamén que se lle impida ás compañías eléctricas a cortar a enerxía eléctrica por impago ás familias durante os meses de inverno, medida esta que levou o BNG ao pasado pleno e que rexeitou o PP. En Catalunya a Generalitat está a promover reformas lexislativas para loitar contra a pobreza enerxética.
Segundo a organización de consumidores, o usuario medio pasou de pagar 43,47 euros na factura de hai dez anos a 77,37 na actualidade. O prezo do kilowatio subiu, segundo o seu estudo, un 119%.