Non é a primeira vez e non parece que vaia ser a derradeira. Afeccionados galegos aos que se lles prohíbe entrar a un estadio de fútbol coa bandeira galega coa estrela vermella ou ben con outros elementos que os encargados de seguridade ou forzas de seguridade entendan que poden ser “nacionalista”.
Desta volta foi no Butarque, o estadio do Leganés, a onde se desprazaron centos de celtistas para apoiar o seu equipo. A través das redes sociais, peñas (Colectivo Nós, Tropas de Breogán ou Cigarróns Celestes) e afeccionados denunciaban a requisa destas bandeiras, así como de bufandas e outros elementos, como camisolas con tríscele e mesmo unha bandeira das 7 nacións celtas.
Unha seareira afirmaba na súa conta de twitter que a explicación que lle deron os de seguridade para retirarlle a bandeira era que esta era “anti-constitucional” e incitaba á “violencia”. Un argumento que xa é un vello coñecido das afeccións de equipos galegos no seu periplo por estadios de fútbol do estado. Cómpre lembrar que no seu día o goberno xustificou a confiscación de bandeiras nacionalistas galegas nos campos de fútbol e outros recintos deportivos porque poden "provocar unha reacción violenta".
A seguridade do @CDLeganes requisando bufandas dos compañeiros celtistas de @TropasDeBreogan e tamén bandeiras galegas !? #LeganesCelta
— Colectivo NÓS (@1923NOS) 28 xaneiro 2017
A nós non nos deixaron entrar ca camiseta do triskel nin ca bandeira das nacións celtas😡 https://t.co/iVC2oK0pJj
— Cigarrón Celeste (@cigarronceleste) 28 xaneiro 2017
@CDLeganes A resaca copera a pasamos sen as bufandas e bandeiras galegas que nos retiráchedes. En Butarque sobra humor pero falta respeto... pic.twitter.com/W4yR5UdmHD
— Tropas De Breogán (@TropasDeBreogan) 28 xaneiro 2017
Dixome o senhor da seguridade d @CDLeganes q a bandeira galega con estrela é anticonstitucional,e q incita á violencia, @rccelta_oficial q?!
— Zélia Garcia (@maisquepalabras) 28 xaneiro 2017