O Manchester City presentou oficialmente a fichaxe de Manuel Agudo Durán ‘Nolito’ que deixará o Celta, após tres anos magníficos no conxunto de Balaídos nos que firmou 14, 13 e 12 goles, respectivamente. O pago da súa cláusula realizarase en dous prazos de 9 millóns, debido a un pacto amistoso entre os dous clubes para evitar, así, a taxa impositiva do 21% que provocaría a intermediación da Liga, segundo afirma Noticias Celta.
O gran rendemento de Nolito valeulle para ser seleccionado por Vicente del Bosque para xogar a Eurocopa 16', na que anotou un gol e deu dúas asistencias, así como para chamar á porta dos mellores clubes do mundo. Irase ao Manchester City que entrena Pep Guardiola. Con esta fichaxe, Nolito firma até xuño de 2020 co conxunto citizen, onde portará o número 9.
A marcha de Nolito deixará un vacío moi difícil de rechear na ofensiva olívica
A marcha de Nolito deixará un vacío moi difícil de rechear na ofensiva olívica. O diñeiro que reportará a súa venda será crucial para mitigar a ausencia do mellor xogador celeste dos últimos anos. O reforzo que substitúa a Nolito pode ser decisivo nos resultados que acade o Real Club Celta, nun ano no que xogarán tres competicións e no que reforzar o plantel será indispensábel.
O Celta volve, agora, a disputar competicións europeas após ter realizado unha das mellores campañas da súa historia. Para non baixar o nivel con respecto ao ano pasado e afrontar unha competición a maiores, Toto Berizzo precisará un maior abanico de xogadores e, coa saída de Nolito, un grande reforzo que o supla. A tarefa do novo director deportivo, Felipe Miñambres será decisiva nesta materia.