sábado 22.02.2020
CON XOSé Mª LEMA E ALEXANDRE NERIUM

Organizan unha ruta que percorre os escenarios da novela “Costa do Solpor”

A praia da Arnela, Cabo Vilán, o porto de Fisterra... Unha iniciativa turístico-literaria percorrerá os escenarios da novela Costa do Solpor, de Xosé Mª Lema, uns espazos de alto interese paisaxístico. O gueiro da ruta será o propio autor.

Costa da Morte
Costa da Morte

Baixo o nome Ruta Costa do Solpor este sábado, 17 de outubro, terá lugar un percorrido turístico-literario para coñecer os escenarios da novela Costa do Solpor, de Xosé Mª Lema, obra finalista do Premio Xerais de Novela 2011 e Premio da Crítica Galicia 2014 de Creación Literaria. O propio autor será que actúe de guieiro e o poeta fisterrán Alexandre Nerium, recitará pezas súas que inspiraron pasaxes importantes da obra.

A ruta, organizada polo Seminario de Estudos Comarcais da Costa da Morte (SEMESCOM), en colaboración coa Asociación de Escritores en Lingua Galega (AELG), levará as persoas participantes ao pazo de Boallo, á Casa do Camiño; á visión dos “espidos peitos da muller enfesta” e da “montaña Vermella”, o porto de Fisterra, a fortaleza de San Carlos, a casa natal do Crego Sabio, a praia da Arnela, o monte Cachelmo, a furna da Buserana, Vilasumisa, o cabo Vilán, a “Area Escorredía”, o Penal do Veo, a Serra das Penas Rubias, Valverde, os Coídos Xemelgos. os valados litorais...

O percorrido, que se realizará na súa maior parte en autobús cun tramo a pé de 3,5 km, terá o seu comezo na praza do Concello de Vimianzo ás 10h, con regreso ao redor das 20h. Fican prazas dispoñibeis. Máis información en [email protected].

comentarios