O novo disco, de agosto de 2017, serve ao trío conformado por Marisa Monte, Arnaldo Antunes e Carlinhos Brown -auténtico supergrupo do pop brasileiro-, de escusa para unha xira mundial que os levará, o vindeiro 26 de outubro a Compostela. Será ás 21 hora no Multiusos do Sar.
Os autores do ubicuo retrouso “eu sou de ninguem, / eu sou de todo o mundo, / e todo o mundo me quer bem”, da canción Ja sei namorar, inician a tourné este 28 de xullo en Brasil. Ademais da súa parada galega, tocarán en Lisboa e Porto, Barcelona, Madrid, Londres, Hamburgo, Basel, París, Milán e Roma.
“A miña maior esperanza de reunirnos Tribalistas de novo vai máis alá de Marisa, Arnaldo e máis eu, son de feito esa lexión de xente que lle deu alma e lle prestou os seus ouvidos ao noso repertorio nos últimos 15 anos”, declarou recentemente Carlinhos Brown, “e o noso obxectivo é servilos a través da música, e farémolo coa facilidade e espontaneidade grazas a que a atmósfera que se crea cando estamos xuntos é pegadiza para nós mesmos”.
