Rescatados dous tripulantes dunha embarcación á deriva en Bueu

Dous tripulantes dunha embarcación que quedou á deriva na tarde deste pasado domingo foron rescatados polo helicóptero Pesca 1 do Servizo de Gardacostas da Galiza na localidade de Bueu. Tal como informou o 112 Galiza, os feitos ocorreron pasadas as 21.30 horas, cando un particular alertou de que unha embarcación pneumática estaba á deriva e se achegabaa unha zona de rochas de Bueu. Por iso, deuse aviso a Salvamento Marítimo e a Gardacostas, que desprazou a aeronave e un barco á zona.