O avogado de UXT, Pedro Branco, será o novo delegado do Goberno, segundo a 'SER'

A obrigada remuda na Delegación do Goberno español na Galiza por mor da saída de José Ramón Gómez Besteiro, que deixará o cargo tres meses despois para encabezar a lista do PSOE ao Congreso por Lugo, ten xa un protagonista. O novo delegado, segundo vén de avanzar a Cadena SER, sería o avogado e asesor xurídico do sindicato UXT na Galiza, Pedro Branco. Unha decisión que ratificaría esta mesma terza feira o Executivo de Pedro Sánchez na reunión semanal do seu Consello de Ministros.