diversidade

Perto dunha decena de asociacións vinculadas á inclusión das persoas con diversidade veñen de remitir á Consellaría de Educación unha instancia na que urxen a retirada do protocolo para a prevención da Covid-19 no alumnado con necesidades educativas especiais polo "risco de discriminación" que, aos seus ollos, xeran as directrices que se recollen nel

María Jesús Dans Sampedro ten 63 anos e é xorda desde que fixo un. Con todo, aprendeu a falar, sacou dúas licenciaturas e aprobou as oposicións ao corpo docente do ensino secundario. É profesora desde hai 30 anos, e a Covid veu frustrar a eficiencia das súas aulas sen que a Administración lle facilite os recursos necesarios para recuperala.

O festival decorre na Coruña desde o 18 de setembro até o 2 de outubro, cada sexta feira e cada sábado con cinema, actuacións e talleres.

Educación avanza un encontro con asociacións de atención á diversidade co obxectivo de coordinar un protocolo adaptado ás necesidades do alumnado con necesidades especiais no contexto escolar.

Á preocupación polas condicións en que se desenvolverá o curso por mor da Covid-19, moitas familias suman un desacougo extra derivado da falta de profesionais suficientes que atendan as necesidades específicas de apoio educativo do alumnado. A partir do 10 de setembro contan volver ás aulas e aspiran a facelo en condicións de igualdade.

A plataforma Dereitos, Non Parches promoveu unha enquisa para coñecer a situación do alumnado con Necesidades Específicas de Apoio Educativo (NEAE) escolarizado en centros ordinarios galegos, á que responderon máis de duascentas familias. Os resultados reflicten a "insatisfacción xeralizada" coas medidas educativas adoptadas e un empeoramento da atención neste período.

Revirada Revista Feminista comezou a andaina en 2015 na Couña. Após presentar o número 5, pechando xira en Compostela na sexta 10 de xaneiro, as editoras teñen a vista xa posta no seguinte volume. Paloma F. Balado repasa connosco este proxecto nado para recoller aquelas voces dos feminismos que non atopaban saída noutros medios.

A CIG-Ensino avanza que reclamará ao Goberno galego a posta en marcha das medidas aprobadas na sesión plenaria do Consello Escolar da Galiza para a mellora da atención ás necesidades específicas de apoio educativo de menores na etapa de ensino obrigatorio. 

Un informe do Consello Escolar de Galiza "radiografía" a cobertura das necesidades específicas de poio educativo que prestan os centros de ensino galegos ao alumnado en período obrigatorio. O seu diagnóstico, unha falta de persoal das distintas especialidades que dificulta e empeora a atención á diversidade.
 

As necesidades da atención á diversidade nos centros de ensino público galegos ecoan esta semana, coincidindo coa celebración do Día internacional das persoas con diversidade que se celebra esta terza feira.

O delegado territorial da Xunta, Ovidio Rodeiro, asegurou esta quinta feira, día 10, nunha xuntanza coa Asociación de Directores e Directoras de Centros Públicos de Educación Infantil e Primaria da Coruña, que as necesidades dos colexios coruñeses que reclaman persoal especializado están cubertas. Porén, avanzou que se reforzará algún colexio con máis horas de Audición e Linguaxe e de Pedagoxía Terapéutica e se destinará algunha coidadora en todos aqueles casos nos que tanto a dirección do centro como inspección educativa o consideren necesario.

A concentración convocada pola plataforma de familias agrupadas baixo o lema Dereitos, non parches congregou esta cuarta feira máis de dúas centenas de persoas fronte á Delegación da Xunta da Coruña, para reclamar perante o Goberno galego unha atención á diversidade axeitada nos centros escolares e protestar contra os recortes. 

Co obxectivo de exixir á Xunta que garanta o persoal necesario para a atención á diversidade, unha plataforma de familias que se agrupan baixo o lema Dereitos, non parches convoca para esta cuarta feira unha concentración diante do edificio administrativo da Coruña. A convocatoria, prevista para as 11 horas, está aberta a familias, profesionais da educación e calquera persoa "que se sinta apelada pola necesidade de garantir a correcta atención á diversidade na educación", sinala a entidade convocante. 

O centro vigués foi un dos seleccionados polo CSD para desenvolver un proxecto sobre investigación en deporte inclusivo, que a nivel estatal involucra 364 investigadores de 14 universidades, 58 empresas, nove federacións, 14 territoriais e dous centros de Alto Rendemento.

Un grupo de profesionais de 50 centros de primaria e secundaria matinan na creación dunha rede de apoio LGBT que dea visibilidade ao colectivo no ámbito educativo. A comunidade educativa do país “deixa facer”, din as promotoras, “o que xa é cousa relevante”. 

Espectador*s da diversidade