Axuntar

Denuncian que se está a substituír a denominación até agora oficial de galego-asturiano por “eo-naviego”. Axuntar considera que con esta mudanza “está en xogo a dignidade idiomática do galego falado en Asturias, que é tan lingua desta terra como o asturiano”

Axuntar, asociación prá normalización del galego de Asturias, trasladou o “trato incorrecto” que o Goberno do Principado dá a esta lingua. A poboación asturiana que ten o galego como lingua nai baixou 38% en 30 anos.

O galego de Asturias, que se fala principalmente na comarca do Eo-Navia, padece unha tripla minorización ao carecer de regulación especial, ao estar "abandonado" por parte dos responsábeis políticos e lingüísticos asturianos e polo feito de que estes últimos non utilicen un "glotónimo" conforme á súa dignidade como idioma, denuncia Axuntar, asociación prá normalización del galego de Asturias.