O ministro de Exteriores de Venezuela, Jorge Arreaza, informou a través da súa conta do Twitter que o seu país, canda a China, Rusia, o Irán, Siria, Corea do Norte, Cuba e Nicaragua, enviaran unha carta conxunta ao secretario xeral das Nacións Unidas, para que este organismo solicite o levantamento das medidas coercitivas por parte dos Estados Unidos.
Na carta sinálase que as sancións de Washington "socavan os esforzos" que están a realizar estes países para combater a pandemia provocada polo coronavirus, "especialmente a respecto da adquisición de equipos e subministracións médicas".
Ante la coyuntura del COVID-19, hoy China, Rusia, Irán, Siria, RPD de Corea, Cuba, Nicaragua y Venezuela, nos dirigimos al SG @antonioguterres para que la ONU se sume con fuerza al levantamiento total de las medidas coercitivas ilegales. #LasSancionesSonUnCrimen y deben parar ya! pic.twitter.com/tWmikQL02b
— Jorge Arreaza M (@jaarreaza) March 26, 2020
"Non podemos permitir que os cálculos políticos se interpoñan no camiño de salvar vidas humanas", apunta a misiva, onde se destaca que o momento actual "non é para fomentar o caos, senón para a solidariedade, a cooperación e a prudencia mundiais, para unir esforzos a nivel nacional, rexional e internacional, sin ningún tipo de discriminación".
"Acción conxunta e solidaria"
Neste sentido pronunciárase a comezos desta semana a Alta Comisionada das Nacións Unidas para os Dereitos Humanos, Michelle Bachelet, que solicitou a "suspensión" ou "atenuación" das sancións económicas a estes países, xa que considera que poden obstaculizar os esforzos sanitarios para combater a COVID-19.
.@mbachelet pide reevaluar las sanciones a #Cuba y #Venezuela para facilitar a los sistemas sanitarios la lucha contra el #coronavirus y limitar la propagación mundial de #COVID19https://t.co/EdGd8zu18T
— Noticias ONU (@NoticiasONU) March 25, 2020
pic.twitter.com/q5rcDexKIo
"Nun contexto de pandemia mundial, as medidas que obstaculizan a atención médica en calquera país incrementan o risco que todos afrontamos", sinalou Bachelet nun comunicado. Por exemplo, citou o Irán, onde "os informes de dereitos humanos insistiron reiteradamente na repercusión das sancións sectoriais sobre o acceso a equipos e medicamentos esenciais".
"Ao mesmo tempo, unha ampla gama de sancións podería obstaculizar os esforzos sanitarios en Cuba, a República Popular Democrática de Corea, Myanmar, Venezuela e Cimbabue", afirmou. "Ningún país pode combater eficazmente esta epidemia actuando en solitario. Debemos proceder de maneira solidaria, cooperativa e coidadosa", engadiu.