Os traballadores impediron este sábado a entrada de persoal de ETT en Nueva Pescanova para evitar que se fagan horas extras. Os operarios organizaron un piquete en cumprimento do acordado en asemblea. O cadro de persoal acordara deixar de facer horas extras como medida de presión ante o bloqueo das negociación do convenio colectivo. Ante isto, a dirección optou por botar man de máis persoal de ETT para que a actividade da empresa non se vise afectada
Un nutrido grupo de traballadores permaneceu ás portas da empresa entre as 5.30 e as 8.00 horas, logrando que ninguén entrase a traballar.
Esta terza feira, 14 de marzo, terá lugar a primeira das dúas xornadas de greve convocadas pola maioría sindical (CIG, CUT, USO e UGT) para reclamar uns convenios colectivos dignos.
