O Ulla será este domingo escenario dunha nova protesta contra Altri
Varios colectivos convocaron unha protesta no río Ulla este domingo 4 de maio contra a fábrica que a multinacional portuguesa Altri proxecta establecer en Palas de Rei (Lugo).
A concentración irá acompañada dunha baixada en rafting polo río Ulla, pasando por Altri e Mina de Touro, que comezará ás 8:30 horas e terá lugar no Campo da Insua en Padrón.
O río Ulla é de onde Altri extraerá os millóns de litros de auga que necesita para funcionar cada día e logo a devolverá. Estes feitos xeran un gran rexeitamento na sociedade, xa que o río Ulla desemboca na ría de Arousa, onde se atopan os bancos de marisco.
Non obstante, Greenfiber sostivo en repetidas ocasións que as súas actividades "non alterarán o estado do río Ulla e, polo tanto, non afectarán os bancos marisqueiros da ría de Arousa".
Despois da actividade de rafting deste domingo, terá lugar unha concentración ás 13 horas. no Campo da Insua, con Isabel Risco como mestra de cerimonias. Alí lerán un manifesto e haberá unha actuación das Músicas da Ulloa que interpretarán o seu tema 'O Ulla'.
O acto reivindicativo está convocado pola Plataforma en Defensa da Ría de Arousa (PDRA), Plataforma Ulloa Viva, Plataforma Mina Touro-O Pino Non, Adega, Greenpeace Galicia, Ecoloxistas en Acción, Sociedade Galega de historia Natural, Baixo Ulla Vivo, Concello de Padrón, Concello de Pontecesures e Caiac extreme Galiza.
