Os representantes da Candidatura Unitaria Estudantil, maioritaria no Claustro da Universidade de Santiago de Compostela, pide esta cuarta feira, na xuntanza do Consello Social da USC a demisión do presidente deste organismo, José María Arias. Unha solicitude que, avanzan nun comunicado, está avalada por máis dun cento de membros da comunidade universitaria e que esta quinta feira, 29 de xuño, será presentada no rexistro xeral da Universidade.
Este colectivo estudiantil pide a demisión de Arias en base a dous motivos. Por unha banda, a pensión de máis de 15 millóns de euros que percibirá o presidente do Consello social “pola pola súa xestión na dirección do recentemente crebado Banco Popular”. Por outra, a investigación interna desa entidade financeira que iaponta, afirman desde a Candidatura, que Arias “ordenou a destrución de documentos que poderían probar presuntos delitos de branqueo de capitais”.
Para estes integrantes da USC, esas situacións xustifican a “total oposición á continuidade” de Arias á fronte da USC. “Malamente pode representar á sociedade tal e como lle corresponde”.
José María Arias xa estivo no albo da polémica en 2014, ao ser o seu voto decisivo para traer á Galiza unha universidade privada e católica
