Na tarde desta sexta feira, en concreto ás 16.40 horas, produciuse un terremoto de magnitude 3,7 na Galiza. O sismo, que tivo epicentro no municipio de Sarria (na comarca homónima), na parroquia de Betote, fíxose notar con claridade en moitas casas e edificios de diferentes comarcas do país, segundo afirmaron persoas usuarias nas distintas redes sociais.
Segundo a primeira información do Instituto Xeográfico Nacional (IGN), o sismo tivo unha profundidade de cero quilómetros, é dicir, foi en superficie. O tremor chegou con determinada forza á cidade de Lugo, e foi incluso perceptíbel na comarca da Mariña. Aínda que os servizos de Urxencias recibiron varias chamadas, o terremoto non provocou danos "nin materiais nin persoais".
[EN ACTUALIZACIÓN]
