Unha "incidencia na infraestrutura" foi a causa de numerosos atrasos nos trens da liña A Coruña-Ourense que partían a primeira hora desta segunda feira, segundo informou Adif contra as 7.05 horas. Vinte minutos despois, o administrador das instalacións ferroviarias daba por resolto o incidente.
En concreto, Renfe informou nas súas redes sociais de que por mor desta cuestión dous trens Avant non puideron partir e tiveron que percorrer por estrada o treito Santiago-Ourense: o 09051, con saída prevista ás 5.08 horas da Coruña en dirección Ourense, e o 09470, que debía iniciar o traxecto na cidade das Burgas ás 6.45 horas no sentido oposto.
Buenos días,
Por el momento, están afectados Avant 9470 y Avant 9051 realizando por carretera el trayecto Santiago-Ourense. El personal de infraestructura está trabajando pasa subsanar esta incidencia.
Confiamos en que se restablezca pronto la circulación. ¡Un saludo!— InfoRenfe (@Inforenfe) February 6, 2023![Publicidade 196050]()
Mais non foron estes os únicos trens que sufriron atrasos no inicio desta nova semana. O Avant 09480 das 7.55 horas en dirección Santiago e mais o primeiro AVE a Madrid do día, o das 6.30h (tren 04054), tampouco saíron en hora.
E en autobús tivo que circular tamén a pasaxe ourensá dos trens 00621, das 9.26 horas, en dirección Barcelona-Sants, e 37621, previsto para a mesma hora, en dirección León.
Estación de tren de Ourense, 7.40h da mañá. 3 trens con retraso (6.30, 6.45 e 7.55) por "un fallo na vía", explica o persoal de @Renfe Parece que hoxe tamén chegamos tarde ao traballo @ave_galicia @PerderTren pic.twitter.com/QEPZYhO8JE
— Cláudia Morán Mato (@claudiamoran90) February 6, 2023
Aliás, segundo advertiu a plataforma de persoas usuarias da liña ferroviaria de Media Distancia, o tren MD 09072 con saída ás 6.40 horas de Vigo-Urzaiz e chegada prevista ás 8.13h á Coruña ficou retido algúns minutos en Compostela antes de reanudar a marcha, polo que tampouco puido chegar en hora.
Desde a plataforma lamentaron a "enésima avaría" nunha liña e unhas frecuencias moi utilizadas por estudantes e persoas traballadoras: "Hai traballadores en Santiago de Compostela sen alternativa para seguir a Ourense nin para regresar á Coruña até dentro dunha ou dúas horas. E persoas con orixe Ourense, á expectativa. Anulan? Esperan?", manifestaron a través das súas redes sociais.
A ver @Renfe @Adif_es o la caballería si hace falta, hay una avería, la enésima por señales, pero hay trabajadores en santiago de compostela sin alternativa para seguir a Ou ni para regresar a ACoruña hasta 1-2 horas. Y personas origen Ourense a la expectativa ¿anulan? ¿Esperan?
— TrenMediaDistancia_Galicia (@ave_galicia) February 6, 2023![Publicidade 194501]()
