O incendio forestal declarado na tarde desta cuarta feira na parroquia verinesa de Ábedes avanza sen control e a un ritmo moi perigoso, con máis de 600 hectáreas calcinadas en menos de 24 horas.
Fica activada, segundo vén de informar a Consellaría do Medio Rural a través do parte publicado ás 8.30 horas desta quinta feira, a situación 2 de alerta por proximidade das chamas a vivendas, se ben afirma que "non existe perigo para núcleos habitados" e que esta medida é "preventiva".
Equipo disponibilidad de #Brif Laza regresamos a base después de darnos un palizón intentando apagar el incendio de Verín #IFVerínVerín que permanece activo.
Continua trabajando un equipo de #Brif Laza en el. pic.twitter.com/YUwGJjTSWl— Diario de un Bombero (@BrifLaza) August 3, 2022![Publicidade 196050]()
O lume, apuntan desde Medio Rural, "evoluciona favorabelmente e os medios traballan na extinción dun flanco de moi difícil acceso. Na extinción traballan catro técnicos, once axentes, 23 brigadas, once motobombas, dúas palas, unha unidade técnica de apoio, nove avións e once helicópteros, así como efectivos da UME, a Garda Civil, Protección Civil e outros medios portugueses.
Aliás, producíronse desaloxos e cortes na A-52 e a N-525, ambas as dúas reabertas após dúas horas. Tamén se produciron danos materiais "de pouca entidade" na fábrica de Auga de Sousas no municipio.
Todo apunta á intencionalidade
Este fogo orixinouse en até dez focos diferentes, algo que a ollos tanto do conselleiro, José González, como do alcalde de Verín, Gerardo Seoane, supón unha "clara intencionalidade".
Esta cuestión avanzouna esta cuarta feira en declaracións a Nós Diario o tenente de alcalde verinés, Diego Lourenzo: "A presenza de novos focos mostra indicios criminais".
"Non é así como adoitan actuar os incendiarios, pero tantos focos consecutivos mostran unha clara intencionalidade", engadiu Lourenzo, que detallou que así llo están a trasladar ás autoridades policiais.
