Un home resultou ferido na noite desta cuarta feira na localidade de Culleredo (comarca da Coruña) despois de caerlle encima do peito o brazo dun tractor, polo que tivo que ser trasladado ao Hospital da Coruña.
Tal como informou o 112 Galiza, os feitos ocorreron sobre as 21 horas nunha vivenda situada no lugar de Travesía de Outeiro e foi un particular o que alertou aos servizos de emerxencia.
Esta persoa explicaba que o tractor estaba estacionado nunha casa cando, sen chegar a envorcar nin a moverse, a pluma desprendeuse e caeu sobre o home, duns sesenta anos de idade.
A peza golpeouno directamente no tórax, provocándolle lesións, polo que urxencias sanitarias trasladouno ao centro hospitalario.
No operativo tamén participaron os axentes da Garda Civil e os membros do servizo municipal de Protección Civil.