O Goberno recorreu ante a Sala do Contencioso do Tribunal Supremo a sentenza da Audiencia Nacional (AN) que en xaneiro condenou o Estado a pagar unha indemnización á familia de José Couso por non ter defendido os seus intereses ante os Estados Unidos e considera que España omitiu o seu deber de ofrecer protección diplomática ao cámara asasinado en Iraq en 2003, durante o mandato de José María Aznar.
A Audiencia Nacional condenou o executivo a indemnizar a viúva de Couso con 100.000 euros e con 41.000 a cada un dos seus fillos, aínda menores de idade cando ocorreron os feitos, por non ter emprendido "medidas ante outro Estado. que incorreu nun ilícito internacional "para poder reparar o dano causado por esa conduta.
A AN considera tamén que España omitiu o seu deber de proporcionar protección diplomática ao profesional dos medios de comunicación asasinado. Couso foi asasinado en Iraq en 2003 nun ataque do exército dos Estados Unidos ao hotel Palestina en Bagdad.
