Na tarde desta sexta feira, a depresión tropical Danielle converteuse definitivamente nun furacán, segundo confirmou o National Hurricane Center (HNC) nas súas redes sociais. Durante toda a mañá, o centro de control xa avisara do fortalecemento desta tormenta, que podía levala a converterse no primeiro furacán no Océano Atlántico desta actual tempada.
O físico e meteorólogo da Axencia Estatal de Meteoroloxía (Aemet) Juan Jesús González Alemán, un dos máis reputados especialistas neste tipo de fenómenos e quen xa fora un dos primeiros en avisar de que esta situación podía suceder, explicou que “é moi anómalo. Convértese no primeiro ciclón formado ‘perto’ da península en ser furacán tan ao norte”.
Para o experto, que o pasado 31 de agosto deu a voz de alarma na súa conta de Twitter, onde advertiu de que se mantiña “o firme escenario de presentar unha estrutura robusta e moverse cara ao leste, achegándose á Galiza”, a predición da formación deste furacán “é unha proba máis do grande avance que conseguiu a modelización meteorolóxica”.
Hurricane #Danielle Advisory 6: Danielle Becomes the First Atlantic Hurricane of the Season. https://t.co/tW4KeFW0gB
— National Hurricane Center (@NHC_Atlantic) September 2, 2022
González Alemán tamén explicou que a traxectoria de Danielle tende agora mesmo “máis cara ao leste”, o que fai que crezan as probabilidades de que poida chegar ao noso país, aínda que non se poida afirmar con total exactitude.
Feito “sorprendente”
Nas primeiras horas da formación de Danielle, o especialista Francisco Martín León explicaba en Meteored que podería darse o que cualifica como “feito sorprendente” no Atlántico: “O primeiro furacán da temporada formaríase lonxe das zonas tradicionais do Caribe, Golfo de México ou outras zonas do Atlántico occidental onde adoitan formarse os primeiros furacáns”.
Pues finalmente la posibilidad que apunté hace unos días se ha cumplido, y #Danielle es ya huracán.
Es muy anómalo. Se convierte en el primer ciclón formado "cerca" de la península en ser huracán tan al norte.
El @NHC_Atlantic le da ahora una trayectoria más hacia el este. pic.twitter.com/JRuB3SL1xU— J. J. González Alemán (@glezjuanje) September 2, 2022![Publicidade 196259]()
O National Hurricane Center segue a traxectoria deste furacán que se acaba de formar, e para o que a Administración dos EUA cifraba en 80% a posibilidade de que sucedera.
La extraordinaria #oladecalor marina que está sucediendo en el Atlántico Norte, de la que hablamos hace unas semanas, empieza a hacerse notar.
Los modelos llevan insistiendo en la formación de un huracán en latitudes anormalmente muy al norte‼️
Seguiremos pendientes... pic.twitter.com/crmDo8ZAZi— J. J. González Alemán (@glezjuanje) August 30, 2022![Publicidade 194501]()
Tanto Meteogaliza como a Aemet nos anteriores días á detección deste fenómeno meteorolóxico non advertiron da súa formación, se ben as súas previsións coincidían en apuntar abundantes chuvias, especialmente na fin de semana.
