Galiza detectou outros 603 positivos por Covid confirmados por PCR nas últimas 24 horas, dos que 153 corresponden ao área sanitaria de Ourense e 101 á de Vigo.
Estes datos sitúanse como os segundos máis elevados na Galiza, após os 687 rexistrados o pasado sábado -a cifra máis alta de toda a pandemia-.
Así se desprende dos datos actualizados na mañá desta segunda feira pola Consellería de Sanidade, con cifras ata as 18,00 horas deste domingo, recollidos por Europa Press, nos que se constata que nesta segunda vaga desde esta fin de semana superáronse os positivos detectados por PCR en 24 horas da primeira -516 o 29 de marzo-.
Por áreas sanitarias, tras as de Ourense e Vigo, sitúanse a da Coruña, con 96 positivos confirmados por PCR en 24 horas; Santiago, con 83; Lugo, con 59; Pontevedra, con 58; e Ferrol, con 53.
En total Galiza rexístranse 6.766 casos activos, o que supón 335 máis que os contabilizados até este domingo. Por áreas sanitarias, na de Ourense soben en 91 ata os 1.390; a de Vigo suma 57 e sitúase en 1.243; a da Coruña e Cee aumenta en 45 ata os 1.167; a de Pontevedra conta con 683 --44 máis--; a de Ferrol incrementa en 43 ata os 488 e a de Lugo suma 22 e colócase con 673.
Até a data curáronse 25.585 persoas, o que supón 270 máis que as contabilizadas até este domingo, e realizáronse 640.621 PCR fronte ás 633.494 rexistradas ata a xornada pasada.
As persoas falecidas na Galiza pola Covid sitúanse en 868, tras o últimas oito mortes notificadas na tarde do domingo, catro delas de usuarios de residencias de maiores.
A cifra total de falecidos desde o comezo da 'nova normalidade' ascende a 249.
