A Axencia Galega de Emerxencias informou nesta tarde desta sexta feira da debilitación da presa do río Castro, en San Sadurniño.
Segundo esta información hai unha posibilidade moi real de que o encoro rompa.
Non se prevén, porén, danos persoais nin materiais augas abaixo.
Con todo, a rotura do encoro provocaría un incremento importante do caudal até a confluencia co río Grande de Xubia.
Por iso, a Axencia Galega de Emerxencias pide "máxima precaución" á cidadanía evitando achegarse á súa ribeira nas próximas horas.