50 anos de ciencia cidadá

O vindeiro verán faranse cincuenta anos da celebración do primeiro Día Mundial do Medio Ambiente. Unha iniciativa impulsada polas Nacións Unidas desde o 5 de xuño de 1973. Nese mesmo ano, estudantes da Universidade de Santiago fundaban o Grupo Ornitolóxico Galego para elaborar un censo anual das aves da Galiza. Nas bases fundacionais, comprometíanse ao coidado, conservación e estudo do medio ambiente. Declaración de intencións do que sería o xermolo da Sociedade Galega de Historia Natural.