Este sábado foi certamente unha xornada chea de tensión en moitos concellos do país. A constitución das corporacións municipais nos concellos en que a gobernabilidade estaba no ar vivíronse con especial tensión.
Foi o caso de Xinzo de Limia en que, finalmente o independente Amador Díaz (Alternativa por Xinzo de Limia – AXIL) se fixo co bastón de mando nun pleno cheo de polémica.
“Traidor”
“Traidor” e “Xudas” foron as palabras que máis se escoitou por parte do público asistente nun pleno en que Díaz conseguiu o apoio do PP para facerse coa Alcaldía.
Moitos dos asistentes ao pleno mostraron o seu descontento xa que o pacto que se prevía antes do inicio do pleno era o do PSdeG xunto co BNG e co propio AXIL.
Así, a até agora alcaldesa, a socialista Elvira Lama perde a Alcaldía.