Segundo se puido coñecer, a rede social ‘X’ (antiga Twitter) eliminou en 2019 un total de de 259 contas operadas polo Partido Popular (PP) para “falsamente aumentar sentimento positivo público”.
Así o indicaban nunha nota da rede social en que tamén indicaban que “estas contas estiveron activas durante un período de tempo curto e consistían, principalmente, en contas falsas creadas para aumentar as interaccións”, contas coñecidas como ‘bots’.
Sabedes quen gastou tempo e diñeiro en montar un entramado de contas falsas para desinformar?
Exacto, o Partido Popular.
Tiveron que ser eliminadas por Twitter, que o pon no seu blog como exemplo de uso indebido. pic.twitter.com/pljBGFMVo1— O’Cascarelo 🦐 (@Cascarelo) January 18, 2024![Publicidade 196050]()
"Entramado dixital"
Isto contrasta coa acusación feita pola secretaria xeral do PP, Paula Prado esta cuarta feira, que denunciou un "entramado de manipulación dixital", unha "mafia das mentiras" a través de "centos de nomes e perfís falsos" en redes sociais que vinculou coa "oposición", xa que apuntou que "o 'botafumeiro' de bulos" estaría "coordinado desde Madrid". Unha "rede de perfís falsos" que vincula a 'bots' radicados en Filipinas, Nicaragua ou Rusia.
Prado asegurou que o PP ten "probas" e estuda "ir á Fiscalía". Estas acusacións sobre desinformación decorren cando se cumpren 296 Venres Negros en que traballadoras e traballadores da CRTVG denuncian manipulación e unha liña informativa ao servizo dos intereses do Goberno galego.
